Атырау облысы, «Иманғали» орталық мешіті

Мәзір

Атырауда жастар жамағаты арасында футболдан жарыс өтті

Елбасы Нұрсұлтан Назарбаевтың Жарлығымен биылғы жылдың жастарға арналып отырғаны белгілі. Осы ретте, Қазақстан мұсылмандары діни басқармасы Атырау облысы бойынша жастар секторының ұйымдастыруымен футболдан жарыс өтті.

         Кіші аяқ доптан жарысқа мұнайлы өлке орталығындағы жеті мешіт қатысты. Атырау қаласындағы Балықшы спорт кешенінде өткен сайысты Қазақстан мұсылмандары діни басқармасының Атырау облысы бойынша өкілі, мұнайлы мекеннің Бас имамы Батыржан Мансұров арнайы ашты.

         Салауатты өмір салтын ұстанудың маңызы, жастар арасындағы ынтымақты арттыру тақырыптарына тоқталған Бас имам ойыншыларға сәттілік тіледі.

         Тартысты өткен бәсекеде бірінші орын орталық "Иманғали" мешітінің намысын қорғаған жастарға бұйырды. Атырау селолық округі мешіті мен "Мәулімберген" мешіті жастарынан құралған командалар екінші және үшінші орындарды өзара бөлісті.

 

 

Орталық "Иманғали" мешітінің баспасөз - қызметі.

Жоғарыға