Атырау облысы, «Иманғали» орталық мешіті

Мәзір


Атырауда Сұлтан Бейбарыс мешітінде тегін оқытатын тігін үйірмесі ашылды

Атырауда Сұлтан Бейбарыс мешітінде тегін оқытатын тігін үйірмесі ашылды

islam-atyrau.kz/26 мамыр, 2019 жыл.  "Алтын өрнек". Осындай атаумен Атыраудағы Сұлтан Бейбарыс мешітінде тегін тігін курсы ашылды. Аталмыш курстан алғашқы кезекте жұмыссыз отырған көп балалы, әлеуметтік жағдайы төмен, мұқтаж отбасылардан шыққан әйел адамдар тегін ілім ала алады.

Рамазан кезіндегі игілікті бастаманың тұсау кесер рәсіміне Қазақстан мұсылмандары діни басқармасының Атырау облысы бойынша өкілі, орталық "Иманғали" мешітінің Бас имамы Батыржан Мансұров арнайы қатысып, курс жұмысына сәттілік тіледі.

"Мүфтият бекіткен басым бағыттардың қатарында қайырымдылық саласы да бар. Сұлтан Бейбарыс мешітінде іске қосылып отырған бұл игілікті бастама талай шаңыраққа қуаныш әкеледі деп сенеміз. Әрі бұл ұлттық өнерімізді насихаттау жолындағы тамаша бастама" дейді Атырау облысының Бас имамы Батыржан Мансұров.

Қазіргі кезде курс өз жұмысын бастап кетті. Болашақ ісмерлерге тәлім беретін арнайы ұстаз да бекітілді. "Бұл бастама "Аяттан амалға" жобасы аясында жүзеге асып отыр. "Нәжім" сүресінде айтылғандай, адамзат тек еңбегіне қарай табысқа жетеді" дейді идея авторы, Сұлтан Бейбарыс мешітінің бас имамы Ержан Қағазғалиев. 

 

 

Орталық "Иманғали" мешітінің баспасөз-қызметі. 

Медиа

Жоғарыға