Атырау облысы, «Иманғали» орталық мешіті

Мәзір

Батырдың бас июі

Скачать шаблоны для cms Joomla 3 бесплатно.
Зелёные шаблоны джумла.
Батырдың бас июі

Ислам енді ғана етек жайып, жаулары да көбейіп келе жатқан тұста Омар есімді батыр жігіт мұсылмандардын бітіспес дұшпанына айналды. Ал Пайғамбарымыз (с.ғ.с.) Алладан ол жігіттің жүрегіне иман ұялатуды сұрады. Бірде Омар өз қарындасы мен күйеу баласының Исламды қабылдағанын естіп қаны қарайды. Алла Елшісін өлтіруге бекініп, қылышын жаландатып, үйінен шықты. Қатты ашуланған ол:

- Алдымен қарындасым мен күйеу баламның жазасын берейін, сосын Мұхаммедті көре жатармын, - деп қарындасының үйіне беттеді. Есіктен кіре оларға:

— Исламға кіргендерің рас па? Сендер біздің құдайларымыздан бас тарттыңдар ма? - деп айғай салды. Олар:

— Иә, аға рас. Біз Алладан басқа Тәңір жоқтығына және Мұхаммед Оның Епшісі екеніне куәлік береміз, - деп жауап берді. Жақындарынан мұндай сөз күтпеген Омар оларды бас-көз жоқ, сабай бастады, қатты соққыға жығылған қарындасы мен күйеу баласы қанға боялып жатса да айтқандарынан қайтпады. Сонда Омар:
— Бұл не деген қайсарлық! Бұл қандай қуатты дін? Бұған ергендер өлуге бар, бірақ қайтатын сыңайлары жоқ қой! - деп таңғалып, әлгілерге Құраннан үзінді оқып беруді бұйырды. Күйеу баласы оған Құранды оқи бастағанда, Омардың көзінен жас тамшылап отырды. Көкірегін шымырлатқан шындық жүрегіне шым-шымдап еніп, тереңдей берді. Сол жерден шыға салысымен ол Пайғамбарымызға (с.ғ.с.) барып, өзінің мұсылман екенін жариялады. Омар Исламды қабылдағанын естіген мұсылмандар қатты қуанды және содан былай Қағбаға барып, ешкімнен қорықпай, ашықтан-ашық түрде намаз оқитын болды.

Жоғарыға