Бабалар жолы адастырмайды. Алайда бүгінгі буынның өзгенің қаңсығына таңсық болуы қанымызды бұзып, келбетімізді өзгертіп жатқанын жасыра алмаймыз. «Жақсыдан үйреніп, жаманнан жиреніп» жатсақ қанекей, ұлттық болмысымызға тән ұлағаттан алшақтай түскен ұрпақты тезге салып, жөнге қояр бір амалды қарастыратын кез келген секілді. Рас, Рухани жаңғыру бағытында қыруар шаруа атқарылды. Алайда, біткен іске масайрамай, игі жұмысты ілгерілете берген абзал. Осы орайда дінтанушы ғалым, наиб мүфти Алау Әділбаевпен сұхбатымыз да жоғарыдағы тақырып төңірегінде өрбіді.