Атырау облысы, «Иманғали» орталық мешіті

Мәзір

Әжелер мектебі Елбасы бағдарламасын талқылады

Қазақстан Президенті, ұлт көшбасшысы Нұрсұлтан Назарбаевтың «Болашаққа бағдар: рухани жаңғыру» атты мақаласын талқылау мақсатында ҚМДБ-ның Насихат және қоғаммен байланыс бөлімі Атырау облысы бойынша  Әйел-қыздар секторының атсалысуымен ашылған Әжелер мектебі «дөңгелек үстел» шарасын өткізді.

 

Шараға арнайы қатысып, кіріспе сөз сөйлеген Қазақстан Мұсылмандары Діни Басқармасының Атырау облысы бойынша өкіл имамы Батыржан Мансұров Президент бастамасымен іске қосылған «Рухани жаңғыру» бағдарламасының жас буынды Отанды сүю арқылы, елдің дамуына қызмет етуге үндейтінін айтып өтті.  «Және бір ерекшелік, аталмыш бағдарлама - жалпыадамзаттық құндылықтар мен терең көзқарастарды сіңіру арқылы, таным белсенділіктерін арттыруға бағыттайды. Осы жерде,  Бас мүфти Серікбай қажы Ораздың дін қызметкерлері арасында тастаған «Өзгеруді өзіңнен баста»  ұранының маңызы жөнінде айтып өткеніміз ләзім. Рухани ұстазымыз айтып өткеніндей, егер бір адам өзгерсе, оның көршісі өзгереді. Одан кейін қоғам өзгереді. Бұл мәселеде әр адамның ойы, сана-сезімі өзгеруі маңызды» деген облыстың бас имамы Батыржан қажы Берденұлы Елбасы бағдарламасын насихаттаудағы, жалпы, ұрпақ тәрбиесіндегі аға буынның, әже-аналардың ролі туралы кеңінен әңгімеледі.

 

Шара барысында мешіт шәкірті болып табылатын адвокат Айсұлу қажы Қайырқызы бас баяндама жасап, мақаланың мәнісін толықтай түсіндіріп өтті. Шара соңы «Әжелер мектебінің» қатысушылары тарапынан қойылған  сұрақ-жауапқа ұласты.

Айта кету керек, шараны Әйел-қыздар секторының жауапты ұстазы Зарина Жукенова мен мешіт ұстазы Айжарқын Тузелова  ұйымдастырды.

 

 

Орталық «Иманғали» мешітінің баспасөз қызметі.


 

Толығырақ ...

«Рухани жаңғыру» бағдарламасына орай «Зинеден ата» мешітінде «дөңгелек үстел» болып өтті

Исатай ауданына қарасты «Зинеден ата» мешітінде ҚМДБ-ның НЖҚБ бөлімі "Әйел-қыздар" секторының Атырау облысы бойынша өкілдігі Жукенова Зарина ұстаздың бастамасымен әйел жамағаты арасында «дөңгелек үстел» шарасы болып өтті. Президент Нұрсұлтан Назарбаевтың «Болашаққа бағдар: рухани жаңғыру» бағдарламасы аясында өткен шарада мешіттің әйел ұстазы Ханифа Есекеева баяндама жасап, ой-пікірлерімен бөлісті.

«Мақаланың негізгі мақсаты – ұлттық кодты сақтай отырып, дамудың жаңа кезеңіне аяқ басу болып табылады. Сондай ақ, мақалада ұлттық құндылықтарымыз, қазақ елінің тарихи мұралары жайлы орынды баяндалған. Бұл еңбек мейлінше терең, күрделі әрі кемелдігімен ерекшеленеді» деген ұстаз Ханифа Есекеева жаһандану дәуірінде білім алудың маңызы зор екендігін айтып өтті.

Ұстаз Ханифа Есекееваның пікірінше, ұлттық ерекшеліктерімізді сақтай отырып, әлемде болып жатқан жаңалықтарды қабылдай білу маңызды. Бірнеше тілді білген адам ештеңеден ұтылмайды. «Ел болам десең, бесігіңді түзе» дейді Мұхтар Әуезов. Қазіргі таңда білім беруге қойылып отырған жаңа талаптарды орындауда көптеген жұмыстар жүргізіліп, жастардың үш тілде білім алуына, жаңа технологияларды салаға енгізуде келелі жұмыстар атқарылуда» деп атап өткен ұстаз «Зинеден ата» мешіті жанындағы сауат ашу курсының жұмыстарына да тоқталып өтті.

Қазіргі таңда аталмыш мешіт шәкірттері «Фиқһ», «Ақида», «Құран» және «Араб тілі» мен «Тәджуид» пәндерінен білім алуда. Және бір ерекшелік – шәкірттер арасында көңілді, бой сергітер спорттық ойындар мен түрлі зияткерлік жарыстар да ұйымдастырылып тұрады. Сонымен қатар мешіт шәкірттері қайырымдылық шараларына белсенді қатысуда.

Түрлі пікірлер сарапқа салынған мәжілісте ұстаз әйел жамағаты тарапынан келіп түскен сауалдарға жауап берді.

 

Орталық «Иманғали» мешітінің баспасөз-қызметі.

 

Толығырақ ...

Батыржан қажы Берденұлы ауыл жастарымен жүздесті

Атырау қаласы, Алғабас ауылындағы «Мәулімберген» мешітінің бас имамы Мақсот Рахметұлының ұйымдастыруымен ауыл жастары Қазақстан Мұсылмандары Діни Басқармасының Атырау облысы бойынша өкілі, «Иманғали» орталық мешітінің бас имамы Батыржан Берденұлымен кездесті.

Батыржан ұстаз жастарды тектілік пен ауызбіршілікке, діндегі бауырластыққа, дәстүрлі діннің алар орны мен негізін түсіне білуге үндеді.

«Махаббат – бауырластық мәселесіндегі ең маңызды қасиеттердің бірі. Сол себепті мұсылмандар өзін жақсы көргені сияқты басқаларын да жақсы көріп, оған жәрдем беруі тиіс. Пайғамбар (с.ғ.с.) «Сендердің ешбірің өзі жақсы көрген нәрсесін бауыры үшін де жақсы көрмейінше толық иман келтірмейді» деп айтқан (Бұһари, Мүслим). Ислам дінінде «Алла үшін жақсы көру», «Алла үшін дос болу» сияқты ұғымдар бар. Бұлар адамдардың арасын түрлі жолдармен біріктіреді, жарастырады. Қазақ халқының арасында «Құдайдан қайтады» деген сияқты сөз тіркестерінің де шығу тегі осындай мағынадағы аят-хадистерге байланысты болса керек» деген Батыржан қажы Берденұлы жастардың жеке сұрақтарына да жауап берді.

Кездесу соңында өкіл имамға мешіт атынан сарқылмас қазына - кітап тарту  етілді.

 

«Мәулімберген» мешітінің баспасөз қызметі.


Толығырақ ...
Осы RSS каналға жазылу