Атырау облысы, «Иманғали» орталық мешіті

Мәзір

Әйел жамағаты Құран жарысында бақ сынасты

«Рамазан - Құран айы» тақырыбымен «Жылыой мұсылмандар» орталық мешітінде әйел жамағаты арасында Құран жарысы өтті.

 Құран жарысты Жылыой ауданының Бас имамы Арман Исаев ашып, жамағатты Ораза айт мейрамымен құттықтады.

Құранның отыз парасын жатқа айту және сүрелерді мәнерлеп оқу бойыша өзара бақ сынасқан әйел жамағаты арасында бас жүлдеге Жұмагүл Маланова ие болды.

 Бірінші орынға Айша Болатова, екінші орынға Жұмагүл Орақова ие болды. Үшінші орынға Сандуғаш Керім ие болып, жеңімпаздардың барлығына мешіт тарапынан арнайы сыйлықтар табысталды. Басқа қатысушыларға алғыс хаттар мен ынталандыру сыйлықтары берілді.

 

«Жылыой мұсылмандар» орталық мешітінің баспасөз - қызметі.


Толығырақ ...

Доссор халқы Ораза Айт мерекесін атап өтуде

Мұсылмандар асыға күтіп, қимастықпен қоштасатын ұлық ай Рамазан да өз мәресіне жетті. Ораза тұтқан құлдарына Алла Тағала Айт мерекесін сыйлаған.

            Бұл мерекеде мұсылмандар өзара дидарласып, бір-біріне деген ыстық ықыластарын білдіреді. Ораза айт мерекесі биыл қасиетті жұмамен тұспа – тұс келді. Осы мерекені Мақат ауданына қарасты Доссор мұсылмандар мешітінің жамағаты және ауыл адамдары да жылдағы дәстүр бойынша атап өтті.

            Күннің шығысымен мешітке жиналған жамағат қарасы көп болды. Доссор мұсылмандар мешітінің Бас имамы Елдос Мүсілімұлы жиналған көпшілікке уағыз насихат жүргізді. Айт намазынан соң, айт құтпасы оқылып, жамағатпен дұға жасалды.

            Құлшылық ғибадаттарын өтеген жамағатқа мешітте дастархан жайылып ақ ұсынылды. Одан соң мешіт ауласында балаларға арналған ойын алаңы құрылып, ауыл балалары асыр сала ойнады.  Айт мерекесі  қазақша күрес, қой көтеру сынды ұлттық ойындармен өз жалғасын тапты.

            Алла Тағаланың сыйы  - Ораза Айт  мерекесі биыл да жоғары дәрежеде өтуде.

            Доссор мұсылмандар мешітінің баспасөз-қызметі.


Толығырақ ...

Жұлдыз ауылындағы мешітте 50 балаға аяқ киім және сыйлықтар үлестірілді

Нұр шашқан Рамазан айынан кейін келіп жеткен Ораза айт мерекесін атыраулықтар бар сән-салтанатымен атап өтуде.

            Мәселен, Атырау қаласы, Жұлдыз елдімекенінде орналасқан Қажымұқан Мұңайтпасов атындағы мешітте Айт намазы оқылған соң, бір сәтте үш жүз адамға айттық дастарханы жайылды. Ораза айт мерекесінің ерекшеліктері, сауапты амалдар туралы уағыздар айтылған соң, бүлдіршіндерге ерекше тосын сый жасалды. "Елу балаға тегін аяқ киім және дәмді тағамдар салынған сыйлық пакеттері үлестірілді. Біздің мақсатымыз - сәбилеріміз арасында мұсылмандық мерекелерімізді кеңінен насихаттау. Және осындай мерекелеріміздің маңызын ұғындыру" дейді аталмыш мешіттің Бас имамы Ардақ Жұмабекұлы.

            Айта кетелік, Айт күнінде ғұсыл құйынып, жұпар иіс себініп, жамағатпен айт намазына қатысудың сауабы мол. Туған-туыстарды, көршілерді, дос-жаранды мерекемен құттықтап, дастархан жайып, ұлық мейрамның сәні мен салтанатын арттыру – Ораза айттың өзіне тән жарасымды һәм сауапты амалдарынан. Осы мерекеде өзара ренжіскен кісілерді татуластырсақ, өзгенің қате-кемшілігін кешіріп, ата-анамыздың құрметі мен ризалығына бөленсек, ол да – мұсылманға тән сипат. Исламда әрбір ізгі амал – садақа. Көршіге көмектесу, мұқтажға қол ұшын беру, тіпті жетімнің басын сипап, өзгелерге жылы шырай таныту, ол да – садақа. Жұлдыз мешітінің Бас имамы Ардақ Жұмабекұлының айтуынша, күндегі оразасын құрмамен ашуды сүннет еткен Пайғамбарымыз (с.ғ.с) айт намазына барарда алдымен құрмадан дәм татып барып үйінен шыққанды ұнататын.

 

            Орталық "Иманғали" мешітінің баспасөз-қызметі.

 

Толығырақ ...

Мешіт ұжымы қариларға құрмет көрсетті

            Атырау қаласына қарасты Жұлдыз елдімекенінде орналасқан Қажымұқан Мұңайтпасов атындағы мешіт ұжымы жамағатпен бірлесіп, қарилар Мұхаммадсолих Мирзаев пен Нұрсұлтан Сәуірбаевты құрметпен шығарып салды.

            Еске сала  кетсек, қарилар бұған дейін қасиетті Рамазан айы бойы Жұлдыз мешітінде Тарауық намазын оқып, жамағаттты ұйытқан болатын. Құрмет белгісі ретінде, қариларға шапан жауып, игі тілектерін арнаған аталмыш мешіттің Бас имамы Ардақ Жұмабекұлы Тарауық намазының сауабы туралы уағыз айтты. "Әрбір мұсылман қасиетті Рамазан айында ораза ұстап, әр түнінде Тарауық намазын оқитын болса, үлкен сауаптарға кенеледі. Оразаның бірінші кешінде Тарауық оқыса, анасынан жаңа туғандай пәк болады. Екінші кешінде  ата-анасының күнәсы кешіріледі. Үшінші кешінде Арш астындағы бір періште «Амалыңды жаңадан баста, Алла Тағала сенің алдыңғы күнәларыңды кешірді» деп сүйіншілейді" деген Бас имам Ардақ Жұмабекұлы Тарауықтың әр күніне түрлі сауап амалдар жазылғанын айтты. Қоштасу рәсімі кезінде ол қасиетті Құран Кәрімді дәріптеп жүрген қариларға сәттілік тіледі.

            Орталық "Иманғали" мешітінің баспасөз-қызметі.


Толығырақ ...

Рухани шаралар жалғасуда

Халқымыздың діни сауатын арттыру, рухани тұрғыда жетіле түсуіне  Қазақстан мұсылмандары діни басқармасына қарасты барлық мешіттер айрықша үлес қосып келеді.

            Жамағаттың рухани тұрғыда дамуына бағытталған шаралар легі Атырау қаласы, Жұлдыз елдімекенінде орналасқан Қажымұқан Мұңайтпасов атындағы мешітте де жалғасуда. Соның бірі қасиетті Қадыр түні өткен рухани кеш. Күллі мұсылман қауымы үшін береке мен сауапқа толы  саналатын Рамазан айын жоғары деңгейдегі дайындықпен өткізген мешіт ұжымы Қадыр түнінде де жамағатқа бар жағдайды жасады.

            Құптан намазының алдында аталмыш мешіттің Бас имамы Ардақ Жұмабекұлы Қадыр түні туралы уағыз айтып, ислам дініндегі бұл түннің ерекшеліктері, қасиетті түнде атқарылатын амалдар туралы кеңінен ақпарат берді. Жамағатпен бірге оқылған Тарауық намазынан кейін, мешіт жанында жұмыс істеп жатқан маусымдық сауат ашу курсының шәкірттері арасында викториналық сұрақтар ойыны ұйымдастырылды. Діни сауат ашып жатқан бүлдіршіндерге жас ерекшеліктеріне қарай түрлі сауалдар қойылып, оқ бойы озық шыққан шәкірттерге сыйлықтар тапсырылды.

            Бұл күні мешіт ауласына тігілген киіз үйлерден 300 адам ауыз ашып, 500 адамға сәресі берілді. Мешіт ұжымы атқарған игі шараларға жамағат дән риза.

            Орталық "Иманғали" мешітінің баспасөз қызметі.  



 

 

Толығырақ ...

Он отбасыға зекет, отыз шаңыраққа азық-түлік үлестірілді

Мұқтаж жандарға демеу болу - исламдағы негізгі шарттардың бірі. Қасиетті Рамазаннан кейін келген Ораза айт мерекесі құрметіне Қажымұқан Мұңайтпасов атындағы мешітте қайырымдылық акциясы  өтті.

            Бір сәтте отыз отбасыға азық-түлік пакеті тапсырылды. "Айт күнін өзін мұсылман санаған әр шаңырақ ерекше жағдайда атап өтеді. Мерекелік көңіл-күй біздің мұқтаж жандарымызды да айналып өтпеуі керек. Бала-шағасына айт мерекесін сезіндіріп, келген қонақты күтуіне мүмкіндік жасау мақсатында осындай акция ұйымдастырдық. Және сол күні он отбасыға зекет берілді" дейді Атырау қаласы, Жұлдыз елдімекенінде орналасқан Қажымұқан Мұңайтпасов атындағы мешіттің Бас имамы Ардақ Жұмабекұлы.

            Айта кету керек, шара кезінде Жұлдыз елдімекеніне қарасты Ақсай, Ақжар ауылдарындағы әлеуметтік жағынан аз қамтылған отбасылар қамтылды.

 

            Орталық "Иманғали" мешітінің баспасөз-қызметі.






Толығырақ ...
Осы RSS каналға жазылу