Атырау облысы, «Иманғали» орталық мешіті

Мәзір

Бас имам Алтынбек Ұтысханұлы бастаған атыраулық жамағат ұстаз Батыржан Мансұровқа құрмет көрсетті

  islam-atyrau.kz/19 қазан, 2019 жыл. Бүгін Атыраудың орталық "Иманғали" мешітінде жергілікті жамағат ұстаз Батыржан Мансұровты шығарып салды.

Жамағат арасындағы бірлікті арттыру мақсатындағы бірден-бір жоба - айлық дастархан шарасына Қазақстан мұсылмандары діни басқармасының Атырау облысы бойынша өкілі, Атырау облысының Бас имамы Алтынбек Ұтысханұлы қатысып, ұстаз Батыржан Берденұлының жаңа қызметіне береке тіледі.

Құптан намазынан кейін өткен айлық дастархан барысында ұстаз Батыржан Мансұров кісі алдындағы ақы, кеңпейілді болудың маңызы, кемел мұсылманның сипаты тақырыптарында уағыз айтты. Жергілікті жамағатпен қоштасу мақсатында ұйымдастырылған шара аясында ұстаз Батыржан Мансұров өзінің, отбасының, бала-шағасының өмірінде Атыраудай киелі өлкенің айрықша орын алатындығын атап өтті. "Атырау ақжүрек, кең пейілді, бауырмал жұртымен де, ауа райымен де есте қалады. Алла қаласа, Атыраудағы игі істер Нұр-Сұлтан қаласында жалғасатын болады" деді ұстаз Батыржан Мансұров.

Көптеген жамағаттың басын қосқан іс шарада Атырау облысының Бас имамы Алтынбек Ұтысханұлы тәуелсіздікке дейінгі және егемендік жылдарындағы діннің жағдайы туралы айтып өтті. "Тәуелсіздік алған елең-алаңда елімізде 68 мешіт болған еді. Қазірде Қазақстан бойынша 2500 мешіт бар. Өңірлерде медреселер іске қосылды, осынау білім ошақтарында білікті ұстаздар тәлім беруде. Елімізде Нұр-Мүбәрак университетінің ашылуы да барша мұсылман қауымның бірден бір шүкіршілік ететін дүниесі. Біз өте бақытты адамдармыз. Өйткені, Алланың бар екендігі мен бірлігін, асыл дініміздің құндылықтарын жеткізу үшін Пайғамбарымыздың (с.ғ.с) дәуірінде сахабалар осынау жерлерімізге келіп дінді жайған еді. Ол кезде осындай мүмкіндіктер болған ба еді? Келген кезде сіздер сияқты қимай қоштасатын қауым болды ма? Әрине, болған жоқ. Демек, біз сансыз шүкіршілік етуіміз керек. Өйткені, елімізде дінді таратуға барлық мүмкіндіктер жасалған" деген Бас имам Алтынбек Ұтысханұлы   атыраулық талай шәкірттің діни ордаларда білім алуына бірден бір себепші болған ұстаз Батыржан Мансұровтың жаңа қызметіне береке тіледі.  

 

 

 

Орталық "Иманғали" мешітінің баспасөз-қызметі.

Толығырақ ...

Атырауда ақ жаулықты аналар ұстаз Батыржан Мансұровты шығарып салды

  islam-atyrau.kz/19 қазан, 2019 жыл.   Бүгін атыраулық ақ жаулықты аналар ұстаз Батыржан Мансұровты жаңа қызметіне сәттілік тілеп шығарып салды. 

Қазақстан мұсылмандары діни басқармасының Әйелдер-қыздар секторының Атыраудағы өкілдігінің ұйымдастыруымен өткен шараға Атырау облысының Бас имамы, ұстаз Алтынбек Ұтысханұлы арнайы қатысты.

Еркін форматта өткен сұхбат барысында Бас имам Алтынбек Ұтысханұлы дін саласында Атырауда атқарылған игі істердің барлығында ұстаз Батыржан Мансұровтың қолтаңбасы жатқанын атап өтті. "Имамға қолдаушы болмаса, белгілі бір істі аяқтау қиын. Біткен іс ортақ. Бұл аталарымыз бен аналарымыз бастаған жамағаттың бірлігінің көрінісі. Жаңа қызметке ауысып  жатқан Батыржан Берденұлы жалпы уағыз-насихатпен бірге, әйелдер-қыздар секторымен, жастар мәселесімен айналысатын болады. Сайып келгенде, бұл асыл дінімізді кеңінен дәріптеу арқылы, ел бірлігі жолында атқарылатын игі іс" деді Атырау облысының Бас имамы Алтынбек Ұтысханұлы.

Басқосу барысында ұстаз Батыржан Мансұров Атыраудың ақжүрек халқына алғысын айтты. "Осынау алты жылға созылған уақыт ішінде санамен жұмыс істеуге тырыстым. Жамағаттың бауырмалдылығы, ауызбірлігі нәтижесінде көптеген ізгі жобалар абыроймен жүзеге асты. Атырау әркез жүрегімнің түкпірінде жылы естеліктерімен сақталады" деді ұстаз Батыржан Мансұров.

Илләһи әндер айтылған шара соңы аналардың ақ батасымен, ел бірлігі жолында жасалған дұғамен қорытындыланды.  

 

Орталық "Иманғали" мешітінің баспасөз-қызметі.

Толығырақ ...

Атырау облысының әкімі Нұрлан Ноғаев ұстаз Батыржан Мансұровқа алғыс айтып, Бас имам Алтынбек Ұтысханұлына сәттілік тіледі

 islam-atyrau.kz/19 қазан, 2019 жыл.  Атырау облысының әкімі Нұрлан Ноғаев ҚМДБ-ның Діни білім жəне кадр даярлау бөлімінің басшысы Бейбіт Мырзагелдиев бастаған дін өкілдерін қабылдады.

Қабылдау барысында Нұрлан Ноғаев бұған дейін Атырау облысының Бас имамы лауазымында болған Батыржан Мансұровқа дін саласын өркендету жолындағы еселі еңбегі үшін алғыс айтты.

Арнайы тапсырылған алғыс хатында ұстаз Батыржан Мансұровтың дәстүрлі Әбу Ханифа мәзһабын мұнайлы өңірге кеңінен тарату, мешіттерді діни сауатты мамандармен толықтыру, жаңа мешіттер тұрғызу жолындағы айрықша еңбегі атап өтілген.

Бұдан әрі аймақ басшысы Нұрлан Ноғаев мұнайлы өңірге Бас имамдыққа тағайындалған «Нұр - Мүбәрак» Египет Ислам мәдениеті университетінің түлегі, магистр Алтынбек Ұтысханұлының жұмысына сәттілік тіледі. 

Еске сала кетелік, жұма күні Атырауда Қазақстан мұсылмандары діни басқармасының мұнайлы өлкедегі жаңа өкілі тағайындалған болатын. Бас мүфти Серікбай қажы Ораздың бұйрығын жұма намазы алдында ҚМДБ-ның Діни білім жəне кадр даярлау бөлімінің басшысы Бейбіт Мырзагелдиев таныстырған еді.

 

 

Орталық "Иманғали" мешітінің баспасөз-қызметі.

Толығырақ ...