Жамағат арасында «Жеті рухани қазық» тұғырнамасы насихатталды
- Бөлім: Жаңалықтар
islam-atyrau.kz/9 желтоқсан, 2019 жыл. Атырау қалалық Құспан Молла мешітінде жамағат арасында «Жеті рухани қазық» тұғырнамасы насихатталды.
Дін мен ділді ұштастырған тұғырнаманың ерекшеліктері туралы айтылған шара барысында Құспан Молла мешітінің Бас имамы Эммат Ғұмаров қоғам назар аударуы тиіс мәселелерге тоқталды.
«Бүгінгідей алмағайып заманда адамға мықты рух жетіспей жатыр. Отанды сүю, адамгершілік, адам деген атқа лайықты өмір сүру – міне, осы мәселеде біз тұғырнаманы негізге алуымыз керек. Тұғырнама мұсылманның тұлабойында табылуы тиіс негізгі жеті көркем сипатты қамтиды. Атап айтқанда, имандылық, отаншыл болу, білім алу, бірлікке болысу, еңбекқорлық, мәдениетті болу және әділдік принципін ұстану. Бұл – адам баласының кісілік келбетін, көркем мінезін қалыптастыруға негіз болатын жеті рухани қазық» дейді Бас имамы Эммат Ғұмаров.
Орталық "Иманғали" мешітінің баспасөз-қызметі.