Атырау облысы, «Иманғали» орталық мешіті

Мәзір

ЕЛОРДАДА ҒҰЛАМАЛАР КЕҢЕСІНІҢ КЕЗЕКТІ МƏЖІЛІСІ БАСТАЛДЫ (+ФОТО + ВИДЕО )

islam-atyrau.kz/11 маусым, 2019 жыл. Бүгін Нұр-Сұлтан қаласында Бас мүфти Серікбай қажы Ораздың төрағалығымен Ғұламалар кеңесінің кезекті мəжілісі өтті.
 
Осымен 22-ші рет өтіп жатқан келелі кездесуге ҚР Ақпарат жəне қоғамдық даму вице-министрі Марат Əзілханов, ҚМДБ төрағасының бірінші орынбасары Наурызбай қажы Тағанұлы, наиб мүфтилер - Бауыржан қажы Əбдірашұлы, Алау қажы Əділбай, ҚМДБ Аппарат басшысы Ғылымбек Жəдігерұлы, сонымен қатар елімізге белгілі теолог-ғалымдар қатысты.
 
Мәжілістің күн тəртібінде діни оқу орындарын тəмамдаған шəкірттерді қызметке бөлу туралы Ереже, қоғамдағы кейбір деструктивті ағымдардың идеологиясы, доңыз майы қосылған дəрі-дəрмектерді қолданудың шариғи үкімі, т.б. тақырыптар төңірегіндегі мəселелер талқыланды.
 
Басқосуда Бас мүфти Серікбай қажы Сатыбалдыұлы шəкірттерді қызметке бөлудің маңыздылығын атап өтсе, вице-министр Марат Əзілханов Ғұламалар кеңесінің əлеуеті жайлы пікірімен бөлісті.
 

 
 
 
 
 
 
 
 
 
 
 
 
 
 
 

 
Толығырақ ...

ҚМДБ ҚАЖЫЛЫҚ ҚОРЫ: «ҚАЖЫЛЫҚ ЖӘНЕ ҰМРА ҮКІМДЕРІ» КІТАБЫНЫҢ ТАНЫТЫМЫ ӨТТІ (ФОТО)

 islam-atyrau.kz/11 маусым, 2019 жыл. Бүгін қажылық компанияларының жетекшілерімен өткен басқосуда «Қажылық және ұмра үкімдері» кітабының танытымы өтті.

Қажылықтың қыр-сырын жіті түсіндіретін аталмыш кітапты таныстырып өткен Бас мүфти Серікбай қажы Ораз:

Қажылық – өте сауапты құлшылық. Пайғамбарымыз (Алланың оған салауаты мен сәлемі болсын) бір хадисінде: «Қабыл болған қажылықтың сыйы – тек қана жаннат» десе, басқа бір хадисінде: «Кімде-кім үйге (Қағбаға) қажылық жасап, жаман сөз айтпай, ауыр күнә жасамаса, анасынан жаңадан туғандай болып оралады» дейді. Осы бір ұлы құлшылықты орындау барысында қажыларымыз қателікке ұрынбай, дұрыс атқаруы үшін арнайы осы кітапты әзірледік. Бұл туындыда қажылыққа қатысты үкімдер, туындауы мүмкін мәселердің баршасы қамтылды», - деп атап өтті.

Одан бөлек, Бас мүфти Серікбай қажы Сатыбалдыұлы бұл еңбек қазақ және орыс тілдерінде жарық көргендігін тілге тиек етіп, аталмыш кітаптың ҚМДБ Қажылық қоры есебінен Үлкен қажылық сапарын өтеуге баратын әрбір қажыға тегін таратылатындығын жеткізді.

Айта кетейік, биыл үлкен қажылық өтейтін қажылардың саны 3200 адамды құрайды. 

Толығырақ ...

БАС МҮФТИ ҚАЖЫЛЫҚ ФИРМАЛАРЫ ЖЕТЕКШІЛЕРІМЕН КЕЗДЕСТІ (ФОТО)

   islam-atyrau.kz/11 маусым, 2019 жыл. Бүгін ҚМДБ төрағасы, Бас мүфти Серікбай қажы Ораз қажылық компанияларының жетекшілерімен жиналыс өткізді.

Жиынға ҚМДБ Аппарат басшысы Ғ.Мажиев, ҚР Ақпарат және Қоғамдық даму министрлігінің Дін істері комитеті Исламдық діни бірлестіктермен байланыстар басқарма басшысының м/а Нұрбаев Досымжан, ҚР Ақпарат және Қоғамдық даму министрлігінің Дін істері комитеті Исламдық діни бірлестіктермен байланыстар басқармасының Бас сарапшысы Қабылов Нұрғали және ҚМДБ Қажылық бөлімінің меңгерушісі Ж.Бекжігітов, ҚМДБ Баспа және аударма бөлімінің меңгерушісі М.Әбдіхалықов және Қажылықпен айналысуға қабілетті деп танылған 18 туристік фирманың басшылары қатысты.

Бас мүфти Серікбай қажы Сатыбалдыұлы:

«Қажылықты ұйымдастыру – зор мәртебе әрі үлкен жауапкершілік. Елден қасиетті мекенге аттанған әрбір қажы – бізге аманат. Қажыларға қызмет көрсететін Қажылық Миссиясы да қажылық фирмалары да осыны үнемі жадында ұстауы керек. Қажылықты ұйымдастыруға қойылатын талаптар да жылдан жылға күшейіп келеді, сапасы да жетіле түсті. Қажылық құлшылығын өтеп келетін қажыларымыз да жауапкершілікті түсіну қажет. Пайғамбарымыз Мұхаммед (Алланың оған салауаты мен сәлемі болсын) бір хадисінде: «Жақсы адам – қоғамға пайдасы тиген пенде», – деген. Демек, қоғамға пайдалы болғаның – жақсы мұсылман болғаның. Қоғамға пайдасы тиюде Пайғамбардың табаны тиген қасиетті мекенді зиярат етіп келген қажыларымыз алдыңғы қатарда тұруы тиіс. Өзінің өнегесімен, көркем мінезімен, адалдығымен, әділдігімен қашанда өнеге болулары керек», - дей келе фирма жетекшілеріне ҚМДБ Қажылық бөлімінің жаңа басшысы Жәнділла Мамытханұлын, Қажылықтың электронды жүйесіне жауапты Мұрат Манапұлын таныстырып, біріге жұмыс жасауға шақырды.

Кездесу барысында қажылықпен айналысуға қабілетті деп танылған туристік фирмалардың «Қажылық-2019 маусымына дайындығы да пысықталды. Атап айтқанда, биылғы қажылық маусымын ұйымдастыру барысында қажылыққа аттанатын әрбір азаматпен типтік келісім-шарт жасалу, қажыларға менингокок инфекциясына қарсы екпе салуды қамтамасыз ету, қажыларға көрсетілетін қызмет сапасы мен ұсынылған пакет құнына (бағасына) сай болу, қажылықпен айналысатын қажылық компанияларының жеке сайтының болуы. Ол сайтта ұсынылған пакеттердің айырмашылығы, бару-қайту мерзімі, қонақүйлердің жай-күйі сынды т.б. қажыларға керекті барлық мағлұматтардың көрсетілу қажеттігі баса айтылып, тиісті нұсқаулықтар берілді.

Өз кезегінде, қажылық фирма өкілдері ҚМДБ-ның бұл талаптарын бірауыздан қолдап, талапты орындауға дайын екендіктерін жеткізді.

 
Толығырақ ...