Атырау облысы, «Иманғали» орталық мешіті

Мәзір

Бас мүфти Көкшетау қаласында жұмыс сапарымен болды

 islam-atyrau.kz/7 тамыз, 2019 жыл.  Қазақстан мұсылмандары діни басқармасының төрағасы, Бас мүфти Серікбай қажы Ораз Ақмола облысының орталығы Көкшетау қаласында жұмыс бабындағы сапармен болып, жергілікті діни жағдаймен жан-жақты танысты. 

 

Ақмола облысының әкімі Ермек Маржықпаевпен кездесуде дін қызметкерлерін қолдау және дәстүрлі дінімізге алшақ жат ағымдармен күрес шараларының жайын тілге тиек етті. Бұл ретте жұртшылық арасында имани сананы қалыптастыру мәселесі көкейтесті екені де сөз болды. Бас мүфти мен әкім осы өміршең мәселелерді өзара әңгіме өзегіне айналдырып, оны шешудің жолдарын қарастыратындықтарын атап көрсетті.

Бас мүфти Көкшетау қаласындағы бір ғасырлық тарихы бар ескі мешіт жанынан салынып жатқан жаңа мешіттің құрылысымен де танысты. Одан әрі бұрнағы жылы ашылған қарилар орталығында болып, жас шәкірттермен кездесті.

Бас мүфтидің Көкшетау қаласындағы сапары кезінде облыс имамы Қуаныш Сәбит басшылықтан берілген тапсырмалар жауапкершілікпен атқарылып жатқанын айтып, өкілдіктің жұмысы жайлы шағын хабарлама жасады. 

 

Толығырақ ...

Мүфтият қазақстандық қажыларға құрмет көрсетті (+ФОТО + ВИДЕО)

  islam-atyrau.kz/7 тамыз, 2019 жыл. Бүгін қазақстандық қажыларға Діни басқарма атынан дастархан жайылып, құрмет көрсетілді. Бір мезетте 200 адам астан дәм татып, рухани кештің куәсі болды.

Жылдағы дәстүрге сай жиын Құран оқумен басталып, білікті ұстаздар келген жамағатқа уағыз айтты. Жасы 95-ке таяған Мақұлбек ақсақал көпшілікке батасын берді. Айтулы асқа Жидда қаласындағы (Сауд Арабиясы Корольдігі) Консулдығының басшысы Шалданбай Талғат Рахымқұлұлы мен Өзбекстан елінің муфтият өкілдері, елімізден келген дінтанушы ғалымдар, қажылық фирмаларының басшылары қатысты.

Алғаш боп сөз алған ҚМДБ төрағасының орынбасары, наиб мүфти Алау Әділбаев жиылған көпке алғысын айтып, ҚМДБ төрағасы, Бас мүфти хазірет Серікбай қажы Ораздың сәлемін жеткізді. Ортаға шығып сөз алған ҚМДБ Шариғат және пәтуа бөлімінің меңгерушісі Сансызбай Құрбанұлы қажылықтың мән маңызына тоқталды.

Өзбекстан Бас мүфтиінің кеңесшісі Нуриддин Халиқназаров өз кезегінде айтулы асқа арнайы шақырып, ілтипат көрсеткен қазақ еліне, ҚМДБ ұжымына алғысын білдірді. 

Сондай-ақ дін қайраткерлері мұсылман әлемінің тыныштығы мен қазақ елінің бірлігі үшін дұға етті. Қажыларға жайылған дастархан соңынан «Сыйлық беріңдер, бір-біріңе деген сыйластықтарың артады» деген Пайғамбарымыздың хадисіне сай Діни Басқарма атынан әзірленген сый-сияпаттар үлестірілді.


Толығырақ ...