Адам өміріндегі ең бір ауыр да, қиын кезең - қарттық шақ. "Сыйласаңыз кәріңді, жарылқаймын бәріңді" демекші, қазыналы қарт болудың өзі де - сын.

Қашаған жырау «Бұл дүниеде не жетім?» атты толғауында:

«Бұл дүниеде не жетім? 

 Кім қажетсіз болса сол жетім.

Хакімі әділ болмаса,       

Бұқара байтақ ел жетім.                                                                                                       

 Ел қонбаған жер жетім.                                                                                                           Жетпістен жасы асқанда,                                                                                                  Сексенге аяқ басқанда,                                                                                                           Жастар елеп келмесе,                                                                                                                                                                                                                 Келіп сәлем бермесе,                                                                                                           Күнде асыл кисе де,-                                                                                                                Қартайған күнде ер жетім..», - деген екен.

            Олай болса, қарияларды құрметтеу - адамшылық парыз. Осы орайда Жұмыскер ауылдық әкімі және қалалық жұмыспен қамту орталығының ұйымдастыруымен Жұмыскер ауылындағы "Сұлтан" мейрамханасында 

дастархан жайылды.

            Қалалық ардагерлер кеңесінің төрағасы Әйіпқали Бекешовтің ақ тілегімен басталған дастарханда "Мәулімберген" мешітінің бас имамы Мақсот сөз сөйлеп, Ислам дініндегі қарттық шақ туралы уағыз-насихат айтты.

            Шара соңы мерекелік ән-шашуға ұласып, Дина Нұрпейісова  атындағы өнер академиясының өнерпаз жастары әуезді ән, күмбірлеген күй тартып, қарттардың қам көңілдерін бір сергітіп тастады.

            Халқымыз «қариясы бар үйдің қазынасы бар», - демекші, туған ел шежіресіндей қарттарымыз аман-сау жүрсінші! Әумин!

ҚМДБ-ның Атырау облысы бойынша өкілдігі

«Мәулімберген» мешітінің баспасөз қызметі 

Терроризм мен діни экстремизмнің соңғы кезде әлем бойынша белең алып бара жатқаны айдан анық. Діни саяси экстремизм діттеген саяси мақсаттарына қол жеткізу үшін дінді қалқан ете отырып әрекет етуші, дінге ешқандай қатысы жоқ іс қимыл. Діни жат ағымға адасқан жастарымыз бой алдырып жатқаны әрине өкінішті. Осының алдын алу бүгінгі күннің басты талабы.

Міне, осы орайда  ағымдағы жылдың 10 – 11 қазан күндері Атырау облысы Дін істері басқармасының қолдауымен «Шапағат» Деструктивтік діни ағымдардан жапа шеккендерге көмек орталығы» Қоғамдық қоры Қызылқоға ауданында бірқатар іс-шаралар өткізді. Атап айтар болсақ, аудан орталығы Миялыда және Сағыз,  Мұқыр, Жангелдин ауылдық округіндегі 7 орта мектептер бойынша оқушылар мен ата-аналарға «Діни жат ағымдармен күресудің жолдары» атты тақырыпта кездесулер, сонымен қатар аудандық «Бәйтерек» және Сағыз ауылдық округінде «Абдолла Хазірет» мешіттерінде болып, Ханафи фиқхын, матруди сенім мектебінің негізгі критерилерін түсіндіру мақсатында түсіндіру жұмыстары өткізілді.

Дәстүрлі емес діни ағымдар туралы мәлімет беру, тұрғындарды, соның ішінде жастарды жат ағымдардан сақтандыра отырып, дәстүрлі діни бағыттың жолдарын ұстануға дұрыс бағдар беру мақсатында өткізілген іс-шараларға «Шапағат» орталығының директор орынбасары, теолог Айбек АТАШЕВ, теолог-дінтанушы Мейіржан РАХМАТУЛЛА, аудан әкімінің орынбасары Әлібек ОЛЖАҒАЛИЕВ, аудан прокуроры Бахтияр ТОҒЫЗБАЕВ, аудандық ішкі саясат бөлімінің басшысы Талғат БАЗАРБАЕВ, аудандық білім бөлімінің басшысы Амангелді Бағдаров қатысты.

Аталған шарада дін мамандары А.Аташев пен М.Рахматуллаұлы – қазіргі таңда діни ахуал қоғамдағы түйінді мәселелердің біріне айналғандығын айтып, дәстүрлі емес теріс діни ағымдардың шығу тарихы мен ерекшеліктері туралы жеткізді. Сонымен қатар қазіргі кездегі елімізде жастарды адастырып жүрген уахабизммен-салафизмнің тармақтары және пайдаланатын әдіс тәсілдерін ашып көрсетіп,қатысушылар тарапынан қойылған түрлі сауалдарға тұщымды жауаптар берілді.

Қасиетті Мұхаррам айындағы Ашура күні - қасиетті күндердің бірі. Күллі мұсылман қауымы бұл күні ораза ұстап, бір-біріне ізгі тілек тілеседі.  

         Осы ретте аудандық «Әйіп қажы» мешітінде ауызашар дастарханы жайылды. Дастархан басында «Әйіп қажы» мешітінің бас имамы Е.Қамзағалиев, сондай-ақ, мешіттің наиб имамы Б.Мамырұлы сөз сөйлеп, Ашура күнінде ораза ұстаудың сауабы, қадір-қасиеті тақырыбында уағыз- насихат айтты.

  ҚМДБ-ның Атырау өңірі бойынша өкілдігі                                                      

«Әйіп қажы» мешітінің баспасөз қызметі

Индер ауданына қарасты Жарсуат ауылдық әкімдігінің ұйымдастыруымен "Гүлстан" мейрамханасында қариялар күніне орай дастархан жайылды.

Мерекелік дастархан барысында ауыл әкімі Н.Әзғалиев құттықтау сөз сөйлеп, ақсақалдар алқасының төрағасы Ж.Азанов, Б.Аталықтар тілектерін білдірді. Сондай-ақ, ауылдық мешіттің имамы Қ.Рспаев Құран оқып, Ислам дінінің құндылықтары хақында уағыз айтты.

ҚМДБ-ның Атырау облысы бойынша өкілдігі

Жарсуат ауылдық мешіті

اَلْحَمْدُ لِلَّهِ رَبِّ الْعَالَمِينَ وَبِهِ نَسْتَعِينُ، وَالصَّلاَةُ وَالسَّلاَمُ عَلَى رَسُولِنَا الْكَرِيمِ وَعَلَى آلِهِ وَصْحْبِهِ أَجْمَعِينَ

اَلسَّلاَمُ عَلَيْكُمْ وَرَحْمَةُ اللهِ وَبَركَاتُه

Қадірлі жамағат! Бүгінгі уағызымыз Ислам дініндегі бала тәбиесі туралы. Асыл дініміздің ұстындарында ұрпақ тәрбиесіне ерекше мән беріледі. Қазақта «Тәрбие – тал бесіктен» деген сөз бар. Мұның өзі ұрпақ тәрбиесіне ерте кезден ден қоюды білдіреді. Дегенмен, қасиетті аяттар мен хадис шәрифтерде ұрпақ тәрбиесінің тым әріден – үйленбестен бұрын болашақ балаларына жақсы ана, өзіне жақсы жар болатын әйел затын таңдаудан басталатындығы айтылады.