Қасиетті жұма күні ҚМДБ төрағасы, Бас мүфти Ержан қажы Малғажыұлы хәзреттің бұйрығымен Сәрсекеев Ажок Саясатұлын «Нұр-Сатыбалды» мешітінің Бас имамы болып тағайындалды.  Бұл жөнінде мешіт жамағатымен жүздескен "Жылыой мұсылмандар" орталық мешітінің бас имамы Арман Исаев арнайы таныстыра келе, осыған дейін «Нұр-Сатыбалды» мешітінің бас имамы қызметін абыроймен атқарған Реиймов Жалғас Исаханұлы мұнан былай, діни білімін шыңдап келуге сұранды.

Діни басқарма жүктеген жұмыстарға жауапкершілікпен қараған Реиймов Жалғас Исаханұлы  «Нұр-Сатыбалды»  мешітінде 7 жыл жұмысын абыроймен  атқарды,  Жылыой мұсылмандар орталық мешітінің Бас имамы Арман Исаев өз қолымен иығына шапан жауып, бір жылқы мінгізіп, атқарған қызметіне аудан тарапынан арнайы Алғыс хатпен  марапатталды. 

«Нұр-Сатыбалды» мешітінің Бас имамы қызметіне келген Сәрсекеев Ажок Саясатұлы 1983 жылы туылған , Ақтөбе медресесінде 2010-2013 жыл аралығында, «Нұр-Мүбарак», «Египет» ислам мәдениет университетінде 2013-2016 жылы аралығында  «Исламтану»  мамандығын қызыл дипломмен толық аяқтап шықты.

Жылыой ауданы, Жаңа Қаратон  кентінде дүниеге келген. Алғашқы діни қызметін  «Нұр-Сатыбалды»  мешітінде бастағалы тұр. Жаңа қызметке тағайындалған әріптестерімізге сәттілік тілейміз.

Жылыой аудандық орталық

            мешіттің баспасөз қызметі

    Жақында ҚМДБ-ның төрағасы Бас мүфти Ержан қажы Малғажыұлының жүлдесі үшін Республика бойынша қазақ күресінен III турнир болып өткен болатын. Оған біздің облыстың атынан палуан Молдашев Біржан мен Тулеушев Малик қатысқан еді.

     Осы жарыста жерлестеріміз өзінің нағыз спорттық бабында екенін дәлелдеді.

     Екінші орынға ие болған Молдашев Біржанға Бас мүфти кіші қажылық жолдамасын сыйға тартса, ҚМДБ-ның Атырау облысы бойынша өкілі "Иманғали" орталық мешітінің бас имамы Батыржан Берденұлы 8 шілде күні, жұма намазында жарысқа қатысқан және оларды дайындаған бапкерлерді мақтау қағазымен марапаттап, Біржанның бапкері Аманбай Қыздарбайұлын да облыстық мешіт атынан кіші қажылықты сыйға тартты.

"Иманғали" орталық мешітінің

баспасөз қызметі