Қасиетті Рамазан айының соңы «ораза айт» мейрамымен аталып өтілері хақ. Айт күні – аса салтанатты күн. Әр иманды адам осы қасиетті күнге ерекше дайындалып, сәнді киініп, таң ата мешітке барып, оны мейрамдап өткізсе нұр үстіне нұр.Сондықтан дәл осы күні еліміздің барлық мешіттерінде жиналған ауыз бекітуші жамағат мерекені қуанышпен қарсы алып, барлық дұға тілегіміз қабыл болсын деген ілтипат ниеттерін білдіріп, дастархан жаяды.  

Атырау обылы Индер ауданы Жарсуат ауылында да үлкен ағаш үй тұрғызылып, ораза айт мерекесі  кең көлемде аталып өтілді. Имам Қ.Рспаев алдымен жамағатқа ораза айттың, жалпы Рамазан айының қадір қасиетін  айтып уағыз насихат жүргізді, кейін екі рекағат айт намазы, ораза айт хұтбасы оқылды. Намаздан соң Айбек, Ризабек, Айбар, Ерлан, Нұрасыл, Тілекқабыл т.б ауыл жамағаттары Құран сүрелерін оқып, қариялар батасын берді. Ауыл тұрғындары   А.Есенғалиұлы,  М.Ахмедияров, Қыдыр отбасы  атынан 3 бас  қой малы сойылып,  мешіт жанынан жайылған  киіз үйде ас берілді.

Мешітке жиналған ауыл тұрғындарынан  ауыл әкімі Н.Әзіғалиев, ауылдық ақсақалдар алқасының төрағасы Ж.Азанов, Б.Аталық т.б ауыл үлкендері «осы оразадан келесі Рамазанға дейін аман-есен болайық, еліміз тыныш, тәуелсіздігіміз берік болсын» деген лебіздерімен жастардың имандылық бағытына қолдау білдірді. Жалпы саны 90 нан аса жамағат  қатысып, дастарханнан дәм алды. 

          Ораза – ұстаған кісіні қайратты, қанағатшыл, салмақты және сабырлы болу сияқты көркем мінезге жетелейді, аштықпен қолдағы игіліктердіңқадірін еске түсіреді де, жоқшылдардың ахуалдары туралы ойландырып, оларға деген мейірім және ілтипат көзқарасымен жүректерімізді сезімтал күйге жеткізеді.
Елбасымыз Нұрсұлтан Әбішұлы Назарбаевтың жүргізіп отырған салиқалы да, сарабдал саясатының арқасында еліміз Қазақстан көптеген жетістіктерге жетті.Өздеріңіз көріп куә болып жүрген, қазіргі таңда имандылыққа бет бұрушы жастардың да саны күн санап артып келеді. Бұл жолда, Қазақстан мұсылмандары діни басқармасының төрағасы, Бас мүфти Ержан қажы Малғажыұлы хазіреттің игі істері жақсы бастау алып, серпіліске енгенін айтуымыз керек. Күні кешеқасиетті Рамазан айыныңқарсаңында жалпы халыққа жолдаған үңдеуінде, қасиетті Рамазан айыныңқұрметіне ысырапшылдыққа жол берілмесе, азық-түлік бағалары төмендетілсе, халыққа қызмет етудің барлық түрлеріне жеңілдік жасалса, мұқтаж жандарға көмектесумен, жетім мен жесірге, қарттар мен мүгедектерге мейірім танытып, өзара түсіністікпен өткізуге шақырады.
Бірлігіміздің, ынтымағымыздың нышаны ретінде мұсылман қауымды бір шаңырақ астында жинап, ақ жаулықты аналар мен аталардың, жалпы иісі мұсылман бауырларымыздың батасын алу үшін, Шілде айының 5-жұлдызы күні «Қапан қажы» мешітінде Ораза айт намазы оқылып дастархан жайылды. Дастархан басына  ауыл жамағаты, ардақты аналарымыз,  ауылдық аймақтыңқадірменді қариялары,  әлеуметтік мұқтаж жандар жиылды. Ораза айт күні мешіт имамы Жамбыл қажы Демеуұлы діни уағыз айтып, аудан бойынша имандылық ошақтарына қамқорлық көрсетіп жүрген ағаларымызға жамағат атынан разылығын жеткізіп, Жаратушыдан шарапат тіледі.
Рамазан-рухани жаңару айы. Аллаһтың адам баласына берген шексіз нығметі, теңдессіз сыйы саналған ораза – тікенді жерге табан тигізбей, сақтанып жүретініміз секілді, күнәға бетпе-бет келуден сақтайтын, жан-дүниемізді, мінез-құлқымызды жақсылыққа тәрбиелейтін, рухани түлеп шығатын құлшылық.
Ораза айт адам өмірін ізгілікке бастайтынын білген пенденің, одан бас тартуы мүмкін емес. Сол сияқты Ораза айтта дастархан жайудың сауабықаншалықты екенін, әсте естен шығармай, игі амалдарымызды көбейтейік.
Жиын соңында мешіттің бас имамы Жамбылқажы қасиетті Құран Кәрімнен сүре оқып, сауабын дүниеден өткен барша мұсылман қауымына және бүгінгі дастархан иелерінің отбасынан үміт еткен әруақтарына бағыштады. Қасиетті Рамазан айында барша мұсылман қауымының тұтқан оразасы, бес уақыт намаздарыңызбен, жан амандығына берілетін пітір садақаларыңызды, Алла тағала қабыл еткен болсын.

Қасиетті Рамазан айында Жылыой аудандық орталық мешітінде Құлсары қаласының әкімі Ш.Кейкин ауданның белді азаматтарына ақсақалдар және жамағатқа ауызашар берді. Қала әкімі ораза ұстап жатқан тұрғындарға тілегін айтты. Ауданның белді азматтары және ақсақалдары мен ақжаулықты аналар және мешіт жамағаттары қатысты. Жылыой аудандық орталық мешітінің  Бас имамы А. Исаев жамағатқа Ауызашар берудің артықшылығы, ораза ұстаудың пайдаларын және де  Пайғамбарымыз (с.ғ.с) хадисінде «Кім Рамазан айының оразасын шын иман және ықыласпен ұстаса, оның бұрын істелген күнәлары кешіріледі», -деген. Және бір хадисінде «Жәннатта Раййан деп аталатын қақпа бар. Ол қақпадан ораза тұтқандардан басқа ешкім кірмейді. Қиямет күні: «Ораза ұстағандар қайда?», – деп жар салынады. Ораза ұстағандар тұрып, сол қақпадан кіреді. Олар кіріп болған соң, қақпа жабылып, одан басқа ешкім кірмейді» -деген.   

Ауызашарға келген ақсақалдарға, ауданның белді азаматтарына және ақжаулықты әжелерге мешіттің бас имамы А.Исаев қызметкерлерге шексіз ризашылықтарын білдіріп, елге деген жылы лебіздерін айтты.

                                                            Жылыой аудандық орталық

            мешіттің баспасөз қызметі

Рамазан айының құрметіне Жылыой ауданы «Жылыой мұсылмандар»  орталық мешітінің Бас имамы А.Исаев бастаған мешіт ұжымы 80 жуық отбасыға көмек берді. Шара барысында жағдайы төмен отбасыларға азық-түлік үлестірілді. Бас имам А.Исаев және наиб имамдар келген жағдайы төмен отбасыларға насихат айтып, дендеріне саулық, отбасыларына амандық тіледі, Рамазан айының оразасымен құттықтады.

         Құранда Алла Тағала «Раббым қалаған адамының ризығын арттырады, (қалаған адамның ризығын) тапшы қылады. (Алла жолында) берген нәпақаларыңның есесін Алла толтырады. Ол – ризық берушілердің ең жақсысы» деп айт», - делінген. Пайғамбарымыздың (а.ғ.с) бір хадисінде «Көршісі аш бола тұра өзі тоқ болған адам бізден емес» деп қайырымдылық жасауды бізге өнеге қылып кеткен.

Жылыой аудандық орталық

мешіттің баспасөз қызметі