Қасиетті жұма күні «Иманғали» орталық мешітінде өткен қариялардың кезекті «Жұма шайы» марапатқа ұласты. Қасиетті жұма намазынан кейін жайылған ақсақалдар дастарханында "Дін мен дәстүр" сабақтастығы тақырыбында уағыз айтылып, курс түлектерінің екінші тобына сертификат табыс етілді.

Наурыз айының 17-күні «Иманғали» орталық мешітінде сауапқа жетелеген, жақсылыққа үлгі боларлық қайырымдылық -жәрмеңкесі өтті. ҚМДБ-ның Атырау өңірі бойынша өкілі, "Иманғали" орталық мешітінің бас имамы Батыржан қажы Берденұлының ұйытқы болуымен өткізілген жәрмеңкеге мешіт жанындағы сауат ашу курсының шәкірттері дайындаған тігін өнімдері мен қолөнер бұйымдары сатылымға қойылды.