Атырау өңіріндегі діни ахуалды жандандыру, жергілікті халықтың діни сауаттылығын арттыру мақсатында соңғы жылдары өте қарқынды жұмыстар  жүргізілуде. Бұл ретте ҚМДБ-ның Атырау өңірі бойынша өкілі, «Иманғали» орталық мешітінің бас имамы Батыржан Берденұлы діни-ағарту бағытындағы іс-шаралардың нәтижелі болуының бірден-бір кепілі маман сапасына ерекше көңіл бөліп келеді. Кадр әлеуететін нығайта түсудің бір жолы – мамандардың білімін жалғастыруына жағдай жасау болса, екінші жолы – сырт облыстардан білікті мамандарды жұмысқа тарту.

 Осы орайда өкіл имам Батыржан қажы Берденұлы "Нұр-Мүбәрак" университетінің биылғы түлектерін Атырау өңірінде бірлесе жұмыс жасауға шақырып, Оңтүстік Қазақстан облысындағы «Шымкент» және «Сарыағаш» медреселерін бітіруші шәкірттерімен де кездесу өткізді. Кездесу барысында өкіл имам мұнайлы өңірдегі діни-ағарту саласы жұмыстарын жетілдіруде маман қажеттілігінің зор екенін атап көрсетті.

Сондай-ақ, медресе қабырғасында алған теориялық білімдерін Ислам нұрына сусап отырған шалғайда жатқан ауыл, аудан халқының діни білімін арттыруға жұмсаудың Алла Тағала құзырында сауапты іс екенін жеткізді.

«Иманғали» орталық

мешітінің баспасөз қызметі 

Құрметті сұрақ сұраушы, Исламда әйел адам өз ері үшін боянып, әдеміленеді. Ал, бөтен еркектің назарын аудару мақсатында боянуды дініміз құп көрмейді. Сондықтан да, үйінде боянып, намаз уақыты келісімен сол боянған күйі намазға тұрып жатса, оның күнәсі жоқ, иншаАлла. Тек пайдаланған косметиканыңыздың құрамы доңыз майынан ада болуы тиіс. Өйткені, доңыз майы  – намазға кедергі.

Ал, енді, абзалы қайсы десеңіз, әрине, дәрет алған соң боянбай тұрып намаз оқып алған абзалырақ.

Осы орайда айта кету керек, пайдаланатын косметиканың құрамында түрлі зиянды заттардың да болмауын ескерген жөн. Әрі дәретке кедергі жасай ма, жоқ па - соны анықтап алған дұрыс (мысалы, тырнаққа арналған лак дәретке кедергі). Өйткені, дәрет алу барысында жағылған бояудың астындағы теріге су өтпесе, дәрет дұрыс болмайды.  

Ең дұрысы – Аллаға мәлім!