Қазақстан мұсылмандары діни басқармасының төрағасы Серікбай қажы Ораз бастаған делегация Сауд Арабия Королдігінде (САК) 2019 жылғы қажылық маусымының ұйымдастыру-үйлестіру жұмыстары бойынша екі жақты ресми кездесулерге қатысты.

Кездесуге наиб мүфти Бауыржан Есмахан, ҚМДБ Аппарат басшысы Ғылымбек Мәжиев, ҚР Қоғамдық даму министрлігі Қоғамдық келісім комитетінің төраға орынбасары Балғабек Мырзаев, Қазақстанның Жидда қаласындағы консулдық басшысы Талғат Шалданбай, Азаматтық авиация комитетінің Халықаралық қатынастар және әуе тасымалдары басқармасының бас сарапшысы Тимур Тілегенов қатысты.

Сауд Арабия Королдігінің Қажылық және умра министрлігі Қазақстан қажылары үшін 3 200 орын бөлді. Қазақстан мұсылмандары діни басқармасы мен САК Қажылық және умра министрлігі екі жақты келісім құжатына қол қойды. Аталған құжатта биыл Қазақстан тарапынан 3 200 адам қажылығын өтей алатыны көрсетілген.    

Кеше аралас жекпе-жектен әлем чемпионы, белгілі ресейлік спортшы Хабиб Нурмагомедов Қарағанды қаласындағы Балалар үйін арнайы зиярат етіп, тәрбиеленушілерімен кездесу өткізді.

«Бүгін, 27-қаңтарда ресейлік ережесіз жекпе-жек шебері Хабиб Нурмагомедов, құпия түрде ешқандай БАҚ өкілдерінсіз Қарағандыдағы балалар үйіне келді. Спортшы тәрбиеленушілерді жақсыға ұмтылуға, спортпен шұғылдануға және теріс әдеттерден аулақ болуға шақырды», - деп жазылған «Қарағанды патриоттары» атты Instagram парақшасында.

«Спортпен шұғылданып, салауатты өмір салтын ұстаныңдар», - деп ақыл берген Хабиб Нурмагомедов балалар үйінің тәрбиеленушілеріне.

Айта кетейік, осыдан біраз уақыт бұрын Қарағандыда тұратын Александр есімді жас жігіт UFC чемпионынан жергілікті балалар үйінің тәрбиеленушілеріне өз өмірі жайлы жазылған кітапты сыйға тартып, оларға спорттағы жетістігі туралы айтып беруді сұраған. Бұл өтініш хатқа жауап берген Нурмагомедов міндетті түрде Қазақстанға келетінін мәлім еткен болатын.

Бүгін Қазақстан мұсылмандарының бас ордасында ҚМДБ төрағасының орынбасары, наиб мүфти Б.Есмаханның төрағалығымен Ұлттық сараптау орталығы мамандарының қатысуымен халал индустриясын дамытуға, лабораториялық жұмыстарды жандандыруға арналған алқалы мәжіліс болып өтті.

Ресми кездесуге  ҚМДБ халал өнімдерін стандарттау бөлімінің меңгерушісі Б.Мырзагелдиев, «Халал Даму» ЖШС-ң директоры А.Елжанов және ҚР Денсаулық сақтау министрлігінің Қоғамдық денсаулық сақтау комитетінің «Ұлттық сараптама орталығы» ШЖҚ РМК бас директоры К.О.Балыкбаев, ҰСО экспертиза бойынша мамандары: У.Б.Аширбаев, Н.Р.Саламатов, ҰСО баспасөз хатшысы А.Сураганова қатысты.

Басқосуда мүфтият пен Ұлттық сараптама орталығының бірлескен жобаларын жүзеге асыру, өзара тәжірибе алмасу, азық-түлік қауіпсіздігін қамтамасыз ету, халал өнімдерге лабораториялық  сараптама жүргізуді арттыру, осы салада Діни басқарма мен Орталықтың ортақ қызметін жандандыру, т.б. мәселелер жан-жақты сөз болды.

Талай жылдар бойы Алматы қаласында орналасқан «Treegene» молекулалық-генетикалық зертханасы мен «КазНИВИ» Қазақ ғылыми-зерттеу ветеринария институты зертханасымен тығыз байланыста жұмыстар атқарып келген «Халал Даму» ЖШС бүгін Астана қаласындағы негізгі орталық аппаратынан және 20 филиалдан құралатын ҚР Денсаулық сақтау министрлігінің Қоғамдық денсаулық сақтау комитетінің «Ұлттық сараптама орталығымен» өзара ынтымақтастық туралы келісімге қол қойды. Бұдан былай «Халал Даму» ЖШС-ң лабораториялық жұмыстары 14 облыстық және Алматы және Астана қалалары бойынша жүргізілетін болады. 

Жастар жылының ашылуында Мемлекет басшысы Нұрсұлтан Назарбаев Астана, Алматы және Шымкентте жұмыс істейтін жастар үшін жылына бір мыңнан кем емес пәтер салуды тапсырды. 

Президент Қазақстанда жұмыс істейтін жастар үшін жалға берілетін тұрғын үйлер салынатынын айтты.

Жиында жастарды тыңдаған Мемлекет басшысы «сөзді тоқтатпай, айта берсін деген ой келді» деді. Елбасы Жастар жылының маңыздылығын атап өтті.

ҚР Президенті Нұрсұлтан Назарабев бүгінгі жастармен кездесуінде жеңіл өнеркәсіп саласына назар аударды.

Сондай-ақ, Елбасы волонтер студенттердің шәкіртақысын көтеруді тапсырды.

«Нұр әлем» көрме кешенінде Қазақстан президенті Нұрсұлтан Назарбаевтың қатысуымен Жастар жылының ашылу рәсімі өтіп жатыр. «Тәуелсіздіктің ұрпақтары» деп аталатын салтанатты шарада еліміздің бетке ұстар жастары бас қосып, сөз сөйледі.

Жиында жастарды тыңдаған Мемлекет басшысы «сөзді тоқтатпай, айта берсін деген ой келді» деді. Елбасы Жастар жылының маңыздылығын атап өтті. 

Президенттің айтуынша, саясатқа келген әрбір адамның, әсіресе ел басқарамын деген үміті бар азаматтардың халыққа жолдайтын ішкі ойы, жоспары болуы керек.

Бүгін «Нұр әлем» көрме кешенінде ҚР Президенті Нұрсұлтан Назарбаевтың қатысуымен Жастар жылы салтанатты түрде ашылды.

Жас кәсіпкер Расул Абдуллаев елімізді ребрендинг жасайтын ұйым құруды ұсынды.

«Тәуелсіздіктің ұрпақтары» атаумен өтіп жатқан салтанатты шараға бас қосқан белсенді жастардың бірі Тамила Розметова Астанада алма бағын отырғызатынын айтты.

Атап өтсек, моңғолиялық қандасымыз қазір елордалық мектепте білім алып жатыр. Бұған дейін құсбегілік өнерін әлемге танытқан бүркітші қызбен сұхбаттасып, Елбасымен кездесу алдындағы көңіл-күйін сұрастырған едік.

Қазақты әлемге танытқан бүркітші қыз Айшолпан Нұрғайыпқызы Қазақстан президенті Нұрсұлтан Назарбаевты Моңғолияға шақырды.

Wikibilim қоғамдық қорының жетекшісі, «Ұлттық аударма бюросы» қоғамдық қорының атқарушы директоры Рауан Кенжеханұлы ҚР Президенті Нұрсұлтан Назарбаевтың қатысуымен өтіп жатқан Жастар жылының ашылу салтанатында Астана ашық университет жобасын таныстырды.

Астанада ЭКСПО-2017 «Нұр әлем» көрме кешенінің павильонында ҚР Президенті Нұрсұлтан Назарбаевтың қатысуымен «Тәуелсіздіктің ұрпақтары» атты Жастар жылының салтанатты ашылу рәсімі басталды.

Іс-шараға жастардың барлық санаттағы өкілі: «100 жаңа есім» байқауының жеңімпаздары, «Болашақ» бағдаралмасының түлектері, жас ғалымдар, студент және жұмысшы жастар, жас спортшылар, дарынды балалар, жаңа медиа саланың өкілдері, балалар үйінің тәрбиеленушілері мен түлектері, ерекше қажеттіліктері бар жастар, жас әскери қызметшілер қатысып отыр. Олардың арасында әнші Димаш Құдайберген, актриса Құралай Анарбекова, шахматшы Жансая Әбдімәлік, актер Асылхан Төлепов және т.б. бар.

Еске сала кетсек, ҚР Президенті Нұрсұлтан Назарбаевтың жарлығымен 2019 жыл Жастар жылы деп жарияланған болатын. Жастар жылы – Қазақстан үшін алғаш рет бастау алған бірегей және кең ауқымды оқиға.