Атырау облысы, «Иманғали» орталық мешіті

Мәзір

Дұғалар қосымшасы іске қосылды

 islam-atyrau.kz/7 маусым, 2019 жыл.  Қазақстан мұсылмандары діни басқармасының ресми www.muftyat.kz сайтының әзірлеуімен қазақ және орыс тілдерінде жасалған «АЛДАСПАН ДҰҒАЛАР» атты мобильдік қосымшаның іске қосылғандығын жеткіземіз.

Бұл қосымшада күнделікті дұғалармен қатар, Құрандағы дұғалар, Пайғамбарлар дұғасы, нәпіл намаздар, көз тиюден сақтайтын дұғалар, дұға жасаудың әдебі, шарттары, қабыл болатын сәттер және тағы басқа ақпараттар қамтылған.

Дұға – Алла мен құл арасындағы байланыс. Басқа сөзбен айтқанда, құл дұға арқылы ғана Жаратқанға өз ойын жеткізе алады. Кез келген пенде шамасы келмейтін барлық ауыртпалықтың емін құдіреті шексіз Ұлы Жаратушыдан сұрайды, тілейді. Бұл тілектің атауы –дұға. Ол – құлдан Жаратушыға қарай көтерілген тылсым сыр.

Өмірді дұғасыз өткізу мүмкін емес. ғұмырымыз бастан-аяқ дұғадан тұрады. Дұға – Алла Тағала мен құл арасындағы қатынастың түйіскен жері. Дұға бір жағынан ғибадат, екінші жағынан, мүмкіндік әлемі мен метафизикалық (ғайып) әлемді біріктірген, адамды бірте-бірте Хаққа көтеретін нұрлы саты.

Дұға сондай-ақ, пәлекеттің бетін қайтарушы, алдын алушы. Рақымдылық пен разылықты шақырып, азап пен пәлекетті қуатын әсерлі құлшылық. Көбінесе пенденің мүмкіндігі түгесілген сәтте дұға басталады. Пенде Жаратушысының есігін дұғамен қағып, сол есіктен дұға арқылы тілдеседі. Рақымдылықты нөсердей өзіне тартатын да – дұға.

Алла Тағала да:

«Дұғаларың болмаса, қандай қадір-қасиеттерің бар?» дейді («Фурқан» сүресі, 77 –аят).

Біз барлық қажеттіліктерімізді Раббымыздан тілейміз. Алайда, кейде не сұрауды, қалай сұрауды біле бермейміз. Тілеп жатып та, Ұлы Жаратушыға әдепсіздік танытып қоямыз. Оның қалауын емес, өзіміздің қалауымызды көздейміз. Тілегіміздің дереу орындалуын қалаймыз. Орындалмаған тілекті  қабыл болмады деп мұңаямыз. Мұның бәрі дұғаның өзіне тән әдептілігіне жат. Мұндай ниетпен жасалған дұғалар Алла Тағала мен құл арасындағы байланысқа жатпайды. Оның әдісі мен әдептілігіне бағыну – дұғаның қабыл болуының ең негізгі шарттары.

Міне, осы және басқа да дұға жасауға қатысты жан-жақты мағлұматқа кенелгіңіз келсе «АЛДАСПАН ДҰҒАЛАР» қосымшасы өздеріңізге көмекке келмек.

Қосымшаны төмендегі сілтемелер бойынша өтіп, өзіңіздің ұялы телефоныңызға жүктеп алып, кез келген уақытта пайдалануыңызға болады.

Android жүйесінде:

https://play.google.com/store/apps/details?id=com.suradua&showAllReviews=true

iOS жүйесінде:

https://itunes.apple.com/us/app/%D0%B0%D0%BB%D0%B4%D0%B0%D1%81%D0%BF%D0%B0%D0%BD-%D0%B4%D2%B1%D2%93%D0%B0%D0%BB%D0%B0%D1%80/id1447623523?l=ru&ls=1&mt=8

 

Алла Тағалаға жайылған қолымызды бос қайтаруынан сақтасын! Тілеген дұға-тілектеріңіз қабыл болсын!

Толығырақ ...

Мәскеуде "Қазақ мәдениеті" күні өтті

  islam-atyrau.kz/7 маусым, 2019 жыл. Мәскеу қаласының діни басқармасының ұйымдастыруымен Мәскеу Мемориалдық мешіті «Рамазан шатырында» «Қазақ мәдениеті» күні аталып өтті.

Қазақ студенттері және басқа да ұлт өкілдері қатысқан игі шараға ҚМДБ тарапынан «Насихат және қоғаммен байланыс» бөлімінің меңгерушісі Алтынбек Ұтысханұлы мен бөлім маманы Хамзат Қажымұратұлы қатысты.

Қазақи нақышта домбыра үні мен қазақ әндері сабақтаса өткен мәдени-рухани шарада ҚМДБ өкілдері Бас мүфти Серікбай қажы Сатыбалдыұлы хазреттің ораза айтына орай құтықтау лебізін жеткізіп, ораза айының құндылықтары, бауырмашылдық жайында уағыз айтты.

Жұмыс сапарының екінші күні қазақтың көрнекті қоғам қайраткері, Алаш орда қозғалысының жетекшісі Әлихан Бөкейханның жерленген зиратына барып, қазақтың біртуар ұлына Құран оқылып, дұға бағышталды.

 

Толығырақ ...