«Зинеден ата» мешітінің жамағаты теологпен кездесті

13-ші қаңтар күні «Шапағат» деструктивтік діни ағымдардан жапа шеккендерге көмек орталығы қоғамдық қорының теолог маманы Батырбек Тұрғанбайұлы Исатай аудандық «Зинеден Құрасұлы» мешітініне келіп,  жұма намазын өткізді.

Жұма намазының алдында теолог Б.Тұрғанбайұлы уағыз айтып, қазіргі таңда мәзһаб хикметін дұрыс түсінбей жүрген кей жастардың қате пікірлері туралы сын айтып, мәзһабтар тарихынан сыр шертті.

Жамағат көкейінде жүрген сауалдарға жауап берген Б.Тұрғанбайұлына бас имам Құрметқали Жұмағұлұлы алғыс айтып, ризашылық сезімін білдірді.

ҚМДБ-ның Атырау облысы бойынша

баспасөз қызметі, «Зинеден ата» мешіті