Құрманғазы ауданы Мәуліт мерекесін атап өтті

Құрманғазы аудандық «Темірәлі» мешітінің ұйымдастыруымен С.Көшекбаев атындағы аудандық мәдениет үйінде адамзаттың асылы Мұхаммед (с.ғ.с) пайғамбарымыздың өмірге келген айы – Мәуліт мерекесіне орай рухани шара өтті.

Құранмен ашылған шарада аудан әкімінің орынбасары Серік Сисатов сөз сөйлеп, жамағатты Мәуліт мерекесімен құттықтады. Шара барысында мешіттің бас имамы Н.Жарқымбаев жиналған жұртшылыққа қасиетті Мәуліт айының мән-маңызын түсіндірді.

Сондай-ақ, кеште С.Көшекбаев атындағы аудандық мәдениет үйінің өнерпаздары діни әндер шырқап, рухани-тағылымдық мәні зор қойылымдар қойылды.

ҚМДБ Атырау өңірі бойынша

баспасөз қызметі, «Темірәлі» мешіті