Ауыл әкімінің есеп беру жиынына имам қатысты

 Баршамызға  белгілі, қазіргі таңда барлық  деңгейдегі  әкімдер халыққа есеп  беруде. Жыл бойына  атқарылған  жұмыстар мен болашақтағы келелі істер жұртшылық  назарына ұсынылып, ел-жұрттың толғандырып  жүрген көкейтесті сұрақтарына жауаптарын беруде. Әрине, әкім болу, ел-жұртты басқару әркімнің қолынан келер іс емес. Сондықтан дана халқымыз: «Әкім бол, халқыңа жақын бол», – деп жатады.

         Қаңтар айының 26-шы жұлдызында Атырау қаласы,Тасқала ауылы «Кең-өзек» ауылдық округінің әкімі Сәден Сәкенұлы Лұхпанов, округ тұрғындары алдында есеп берді. Жиынға Атырау облысы әкімінің бірінші орынбасары  Ғұмар Дүйсебаев пен қала әкімі Серік Шапкенов, сондай-ақ, әртүрлі мемлекеттік мекеме басшылары қатысып, халыққа есеп берді.

Жиынға Алғабас ауылдық «Мәулімберген» мешітінің бас имамы Мақсот Бағытжанов та қатысып, түйткілді мәселелер төңірегінде ой-пікірлерін білдірді.

Жаратқан Жаппар иеміз бір-бірімізге деген ізет-құрметті арттырып, бұл дүниелік, ахиреттік түрлі есеп-қисаптардан жеңіл өтуімізді нәсіп етсін. Тәуелсіз Қазақ елі тыныштық пен береке-бірліктің мекеніне айналып, өркендей берсін.

ҚМДБ-ы Атырау өкілдігінің

баспасөз қызметі,

«Мәулімберген» мешіті