Имамдар біліктілігін арттыруға арналған семинар басталды

15-мамыр күні «Иманғали» мешіті жанындағы медреседе «Қоғамдағы дәстүрлі құндылықтарды нығайтудың оңтайлы әдіс-тәсілдері» атты мешіт қызметкерлері мен имамдарға арналған үш күндік курстың (семинар) ашылу салтанаты өтті.

Семинарды ҚМДБ-ның Атырау өңірі бойынша өкілі, «Иманғали» орталық мешітінің бас имамы Батыржан Берденұлы ашып, семинар жұмысына сәттілік тіледі. Өкіл имам имамдардың біліктілігін арттыру жұмысының қашан да өзекті екенін айтып, «Имамдар – пайғамбарымыздың (с.ғ.с.) сүннетін жамағатқа насихаттап, көркем мінез-құлқымен (ахлақ) жамағатқа үлгі болып жүрген қадірлі мамандық иелері. Имам болу – аса жауапкершілікті қажет ететін жұмыс. Сондықтан имамдардың біліктілігін арттыру қашан да өзекті мәселе», – деді бас имам өз сөзінде.

Шара барысында Атырау облысы Дін істері басқармасының басшысы Кушкалиев Қайролла Дүйсешұлы «Зайырлы мемлекеттегі діннің рөлі» тақырыбында баяндама жасады.

«Иманғали» орталық

мешітінің баспасөз қызметі