Сауат ашу курсында білім алып жатқан балаларға діни әдебиеттер таратылды

Қажымұқан Мұңайтпасов атындағы мешіт жанында жұмыс істеп жатқан сауат ашу курсына Астанадан арнайы кітаптар әкелінді.

Діни әдебиеттер курста білім алып жатқан балаларға тегін таратылды. «Ондағы мақсатымыз – дәріс кезінде алған білімді шыңдау. Шәкірттерімізге үйге барған уақытта да өтілген сабақты ата-аналарымен бірге отырып пысықтауға жағдай жасау» дейді Атырау қаласының Жұлдыз елдімекенінде орналасқан Қажымұқан Мұңайтпасов атындағы мешіттің Бас имамы Ардақ Жұмабекұлы.

«Негізгі діни мағлұмат» кітабында сенім, ғибадат, құлшылық, мінез-құлық хақында кеңінен жазылған. Пайғамбарымыз Мұхаммедтің (с.ғ.с) өмірбаяны жөнінде сыр шертетін екінші кітап «Сияр ән-нәби» деп аталады. Осылайша, діни әдебиеттер барлығы 45 балаға таратылды.

Орталық «Иманғали» мешітінің баспасөз-қызметі.