Тасқала ауылдық Мәулімберген мешітінде Мәуліт дастарханы жайылды

Атырау қаласына қарасты Тасқала ауылында орналасқан Мәулімберген мешітінің жамағаты қасиетті Мәуліт мерекесін атап өтті.
         Өткен жұма күні Мәулімберген мешітінде жамағатқа арналып Мәуліт дастарханы жайылды. Басқосу кезінде Мәулімберген мешітінің Бас имамы Мақсот Бағытжанов ардақты Пайғамбарымыз Мұхаммедтің (Алланың игілігі мен сәлемі болсын) өмірбаянынан қазіргі жастарға ғибрат аларлық сабақ өткізді. "Мұхаммед Пайғамбарымыздың өмірінің соңына дейін түскен уахилер Құранның сүрелерін құрайды. Мұсылмандар оны "Құдайдың сөзі" деп санайды және дін соған негізделеді. Құраннан бөлек мұсылмандар Мұхаммедтің (с.ғ.с) сөздері мен іс-әрекеттеріне (сүннет), хадис, сира әдебиеттеріне сүйенеді және ислам құқықтары (шариғат) ретінде қолданады" деп атап өтті Мәулімберген мешітінің Бас имамы Мақсот Бағытжанов.

          Рухани сабақ кезінде сүннет амалдарды өміріміздің негізі ретінде қалау мәселесі де насихатталды.

         Мәулімберген мешітінің баспасөз - қызметі.