Мақат ауданының бас имамы ысырапшылдықтан тыйылуға үндеді

  іslam-atyrau.kz/13 ақпан, 2020 жыл.  Мақат ауданында "Жаназа және жерлеу рәсімдері" тақырыбында дәріс өтті.

Жергілікті жамағат арасында құлшылық үйінде өткен іс-шара аясында Мақат аудандық орталық мешітінің бас  имамы Біләл Сағындықов марқұмның жаназасын шығарып, ақтық сапарға аттандыру хақындағы шариғи заңдылықтар туралы әңгімеледі.

"Тіршілік бар жерде өлім бар. Мұсылман баласы мұсылманға қашан да бауыр. Десе де, соңғы кездері қоғамда қаралы жағдайлардың өзін салтанатқа айналдыру үрдісі белең алып келеді.

Шариғатымыз қашан да қарапайымдылықты талап етеді. Демек, марқұмды ақтық сапарға аттандыру, жерлеу, садақа дастарханын жаюдың өзі арнайы тәртіп бойынша жүзеге асуы тиіс. Осыдан біраз жыл бұрын мүфтият садақа мәзірін дайындаған болатын. Қарапайымдылық, ислам дініндегі жаназа үкімі тақырыптары қараша халық арасында кеңінен насихатталуы тиіс" деп атап өтті өз сөзінде Мақат аудандық орталық мешітінің бас  имамы Біләл Сағындықов. 

Орталық "Иманғали" мешітінің баспасөз-қызметі.