Құқық бұзушылықтың алдын алу – ортақ міндет

         19 қараша күні Жылыой ауданы, Құлсары қаласындағы №16 орта мектепте  «Жасөспірімдер арасындағы құқық бұзушылықтың алдын алу» атты тақырыбында кездесу өтті.

Жылыой аудандық полиция бөлімінің инспекторлары, мектеп мұғалімдері және мектеп оқушылары, ата-аналар қатысқан шарада Жылыой  орталық мешітінің ұстазы Д.Сулейменов сөз сөйлеп, құқық бұзушылықтан, кері ағымдардан аулақ болу, тәлім-тәрбие, білім алудың маңыздылығы, үлкенді құрметтеу, ата-ананы сыйлау жөнінде уағыз айтты.  

          Шара соңында оқушылар өздерінің көкейінде жүрген сұрақтарын мешіт ұстазына қойып, тұшымды жауаптарын алды.

Мектеп әкімшілігі Жасөспірімдер арасындағы құқық бұзушылықтың алдын-алуда осындай шаралардың өтуіне ұйытқы болып жүрген мешіт ұжымына алғыстарын  білдірді.

ҚМДБ-ның Атырау облысы бойынша өкілдігі,

Жылыой аудандық орталық мешіті