27-мамыр күллі мұсылман жұртшылығы асыға күткен Рамазан айының кіруіне байланысты 27-мамырдан бастап «Иманғали» орталық мешітінде Құран хатым түсіру басталды.

Биылғы алғашқы Құранды хатым ету шарасына ҚМДБ-ның Атырау өңірі бойынша өкілі, «Иманғали» орталық мешітінің бас имамы Батыржан Берденұлы қатысып, жамағатты қасиетті Құран айы – Рамазан айымен  құттықтады. Сондай-ақ, өңірімізге Құран хатым түсіру үшін Түркия Республикасынан арнайы шақыртылған Мұстафа Зенжиржи мен «Иманғали» орталық мешітінің ұстазы Хусейн Кая атты түркиялық қарилармен таныстырды.

30 парадан тұратын Құран 30 күн бойы оқылып, Рамазан айының соңында дұғасы жасалатын болады. Бүгін қарилар Құранның бірінші парасы (20 бет) бойынша хатым етті.

«Иманғали» орталық

мешітінің баспасөз қызметі

27-мамыр күні «Иманғали» орталық мешітінде ҚМДБ-ның төрағасы, Бас мүфти Ержан қажы Малғажыұлының «Мүбәрак Рамазан» атты еңбегі бойынша жас жамағаттар арасында білім сайысы өтті.

ҚМДБ-ның Атырау өңіріндегі өкілі, «Иманғали» орталық мешітінің бас имамы Батыржан Берденұлының бастамасымен өткізіліп отырған сайыстың

шарты – 1-ай оқуға тапсырылған Бас мүфтидің «Мүбәрак Рамазан» кітабы бойынша қойылған сұрақтарға жауап беріп, білім жарыстыру.

Мешіттің наиб имамы А.Жұмабекұлы, М.Мұстафаев, сондай-ақ, ҚМДБ Жалпы және жастар ісі бөлімінің Атырау облысы бойынша жетекшісі Арман Урумбаевтар қазылық еткен сайыста жас жамағат «Рамазан», «Шәббаб» және «Раийан», «Шаһада» атты 4 топқа бөлініп, өзара бақ сынасты.

Сайыстың қорытындысы бойынша «Раийан» тобы жүлделі 1-орынға ие болса, «Шәббаб»тобы 2-ші, «Рамазан» тобы 3-ші орындар биігінен көрінді.

Айта кету керек, бұл бәйгенің жүлдесі де ерекше болды. 1-орын алған «Раийан» тобына Астана қаласына өтетін «EXPO – 2017» көрмесіне барып-қайту жол билеттері тарту етілсе, 2-орын алған «Шәббаб» тобының Рамазан айында қаладағы мейрамханаларда 2 күн ауызашарда тегін тамақтануына қажетті қаражат бөлінді. 

3-орын алған «Рамазан» және «Шәббаб» топтарына ынталандыру сыйлықтары табыс етілді.

«Иманғали» орталық

мешітінің баспасөз қызметі