Құрманғазы ауданының орталық "Темірәлі" мешітінің балансына үй берілді.

       Басыбайлы баспананың кілтін аталмыш ауданға сапары аясында Қазақстан мұсылмандары діни басқармасының Атырау облысы бойынша өкілі Батыржан Мансұров жұма намазы кезінде жамағат алдында салтанатты жағдайда тапсырды.

       Айта кетерлігі, аталмыш үй "Темірәлі" мешітіне демеушілер тарапынан беріліп отыр. Енді, бұл үйді мешіт қызмет қылу үшін келген имамдардың қызметтік пәтері ретінде пайдаланатын болады. Төрт бөлмелі кең үйдің ауласында екі бірдей шағын үй де тұрғызылған.

       Жамағат алдында демеушілерге ризашылығын жеткізген Атырау облысының Бас имамы Батыржан Мансұров Алла разылығы үшін қамқорлық жасаған пенденің екі дүниеде де мол сауапқа кенелетіндігін атап өтті. Игі іске жергілікті жамағат та ризашылығын білдірді.

        Орталық "Иманғали" мешітінің баспасөз-қызметі.

Атырау облысы, Құрманғазы ауданына жұмыс сапары аясында мұнайлы аймақтың Бас имамы Батыржан Мансұров жергілікті "С.Көшекбаев" атындағы мәдениет үйінде ақсақалдармен, зиялы қауым өкілдерімен кездесті.

Құрманғазы ауданына жұмыс сапары аясында Қазақстан мұсылмандары діни басқармасы жанындағы Ғұламалар кеңесінің мүшесі, мүфтияттың мұнайлы өлкедегі өкілі, Атырау облысының Бас имамы Батыржан Мансұров жергілікті орталық мешітіне арнайы барды.

Құрманғазы аудандық «Тәмірәлі» мұсылмандар мешітінің жағдайымен, ішкі жұмыстарымен танысып, бірқатар тапсырмалар бергенАтырау облысының Бас имамы Батыржан Мансұров  жергілікті жамағатпен жүздесті.

Жамағатпен жүздесу кезінде қоғамдық бірлік, бауырластар арасындағы ынтымақтастық тақырыбы негізгі диалог алаңының арқауы болды.

«Мұсылманның көріктісі,жақсысы - оның мінез-құлқының көркем жақсы болуында. Көркем мінез–сабырлық, шыншылдық, аманат, туралық, тіліне ие болу, ойының таза болуы, жомарттық, кішіпейілділік, қарапайымдылық, бауырмалдылық, бірлік, батылдық сияқты көптеген мақтаулы сипаттарымен танылады. Пайғамбарымыз (с.ғ.с): «Мен көркем мінезді кемеліне келтіру үшін жіберілдім» деген. Бүгінгі мұсылмандар көркем мінездің үлгісі бола білсе, әлем мұсылмандарының бірлігі сақталары сөзсіз» деп атап өтті өкіл имам Батыржан қажы Берденұлы.

Орталық «Иманғали» мешітінің баспасөз-қызметі.