Атырау жұртшылығы Ораза айт мерекесін жоғары деңгейде атап, есте қаларлықтай мерекелік көңіл күйде өткізді. Қасиетті оразадан кейін келген Айт намазына орталық «Иманғали» мешітіне он мыңнан аса жамағат жиналды.

Кеше еліміздің барлық мешіттерінде Тарауық намазы аяқталды. Атырау облыстық орталық «Иманғали» мешітінде Бас имам Батыржан Мансұров Тарауық намазын өткізді. Содан соң бата жасап, Алладан ел-жұрттың амандығын тіледі.

Хазреті Пайғамбарымыз (с.ғ.с): «Бір үйде Құран оқылса, аспаннан періштелер енеді. Шайтандар қашады. Үй-ішіне жақсылық, тыныштық енеді, жақсылық көп, жамандық аз болады. Бір үйде Құран оқылмаса, ол жерге шайтандар келеді, періштелер кірмейді, үй-ішіне тынышсыздық келеді, жақсылық азайып, жамандық көбейеді» деген.

          Айта кетелік, Тарауық намазы — Рамазан айында Құптан намазынан кейін жамағат болып оқылатын намаз. Тарауық  намазы сауабы орасан зор сүннет амалдардың бірі болып саналады. Имамға ұйыған жамағат Құптан намазынан кейін 20 рәкәғат Тарауық намазын оқиды.

Орталық «Иманғали» мешітінің баспасөз-қызметі.

Айлардың сұлтаны болған қасиетті Рамазан айының соңғы күні келіп жетуіне орай, бүгін Қазақстан мұсылмандары діни басқармасының Атырау облысы бойынша өкілдігі, Атырау облыстық «Иманғали» орталық мешітінде күндізгі Құран – Хатым аяқталды.

Қасиетті Құранды Атырау облысының Бас имамы Батыржан қажы Берденұлы өзі Хатым етті. Кейін Құран - Хатымның дұғасы жасалды.

Пайғамбарымыз Мұхаммед (с.ғ.с.) «Хақ тағала сендерге оразаны парыз, Тарауық намазын сүннет етті. Шын иман және ықыласпен Рамазан оразасын ұстаған және Тарауық намазын оқыған адам күнәдан анадан жаңа туған нәрестедей пәк болып тазарады» деп жеткізген.

 «Рамазан - Құран айы. Құран - адамзатты шексіз бақытқа жетелейтін, тура жол көрсететін, қияметке дейін өзгермейтін мәңгі мұғжиза. Құран - соңғы пайғамбарлықтың дәлелі, ханиф (тура) діннің үні әрі, Ислам шариғатының Ата заңы» дейді өкіл имам Батыржан қажы Берденұлы.

 Орталық «Иманғали» мешітінің баспасөз-қызметі.