10-ақпан күні мешіт ақсақалдары жұма шайында бас қосты. «Ауылда қарияң болса, жазып қойған хатпен тең», – демекші, қария – халық қазынасы. Сондықтан да халқымыз ақсақалын қадірлеп, ақ батасын алуға ерекше маңыз берген. Ата дәстүрімізбен сіңісті асыл дініміз де үлкенге құрмет, кішіге ізетті болуды үндеп, бауырмалдық пен сыйластықты насихат етеді.

Осы орайда дін мен дәстүрдің ұштасқан озық үлгісін жандандыруда игі, қайырлы істерге ұйытқы болып жүрген ҚМДБ-ның Атырау облысы бойынша өкілі, «Иманғали» орталық мешітінің бас имамы Батыржан Берденұлы жұма сайын мешіт қарияларының (жамағат) басын қосып, дастархан жаюды жолға қойды.

Дәстүрлі түрде, әрбір жұма сайын өтіп тұратын жұма шайының бүгінгі тақырыбы қоғамдағы жастар тәрбиесіне арналды. Қариялар қауымы байырғы қазақ отбасындағы тәрбие мәйегі – ата-баба өнегесінің өміршеңдігі туралы сөз өрбітіп, өз пікірлерімен бөлісті.

Жиын соңында ақсақал қариялар осындай қайырлы іске ұйытқы болған имамның оң бастамасына ризашылығын білдірді.  

Гүлбану Нұрымқызы,

«Иманғали» орталық мешітінің

  баспасөз қызметі

Атырау қаласына қарасты Дамбы ауылдық «Атырау селолық мешітіне»

мысырлық шейx Абдульазиз Аxмад Заид келіп, жамағатпен кездесті. Кездесу барысында шейх қоғамдағы діни ахуалға сипаттама беріп, экстремизм мен терроризмнің алдын-алудағы діни сауаттылықтың маңыздығы туралы уағыз айтты. 

Мешітке жиналған жамағат мысырлық шейxтың әсерлі уағыз айтып, ақ дастарханнан дәм ауыз тиді.

ҚМДБ-ы Атырау өкілдігінің баспасөз қызметі,

 Дамбы ауылдық «Атырау селолық мешіті»

Атырау қаласына қарасты Дамбы ауылы «Атырау селолық мешітінде» теолог мамандар жамағатпен кездесу өткізді. Кездесуге Ақпараттық-талдау орталығының басшысы Айбек Асқарбекұлы, теолог маманы Бегалиев Еламан келіп уағыз айтты.

Құптан намазының алдында өткен басқосуды мешіттің бас имамы Өскенбаев Санат ашып, жүргізді. Мамандар еліміздегі діни ахуал туралы сөз өрбітіп, экстремизмнің алдын-алудағы діни сауаттылықтың маңыздығына тоқталды.

Ескерте кету керек, алдағы уақытта теолог мамандар мешітте тұрақты уағыз айтатын болады.

ҚМДБ-ы Атырау өкілдігінің баспасөз қызметі,

Дамбы ауылы «Атырау селолық мешіті»

Исатай аудандық «З.Құрасұлы» мешітінде теолог мамандар жамағатпен кездесу өкізді. Басқосуда «Шапағат деструктивтік діни ағымдардан жапа шеккендерге көмек орталығы ҚҚ-ның теолгы Қанат Жұмағұл «Уаһаббизм –  адасқан ағым» тақырыбында жұма уағызын айтты.

Уаһаббизм ағымының шығу тарихына тоқталған ол XVlll ғасырда өмір сүрген Мухаммед ибн Абдуллабтың осы ағымның негізін салған адам екенін айтты. Ислам дінінің атын жамылып, жиһадты насихаттаған, намаз оқымаған адамды кәпірге атайтын ағымның қоғамға қауіп төндіріп тұрғанын ескерті.  

Құтпа уағызын айтқан бас имам Қ.Бақтығұлов сөз барысында Елбасын Жолдауының ел тарихындағы маңызды құжат екенін атап көрсетті.

Елбасы Н.Назарбаев «Терроризммен күрес туралы нақты тапсырмалар берді. Мақсат еліміздің бірлігі мен тыныштығы екені. Мұсылман халқы бұны дұрыс түсіну керек, Ислам дінімен немесе намаз оқып дін ұстанушы адаммен күресу емес екенін имам жамағатқа жеткізді.

ҚМДБ-ның Атырау өкілдігінің

баспасөз қызметі,

«З.Құрасұлы» мешіті

Атырау қалалық «Қ.Мұңайтпасов» мешітінің бас имамы Нартай Сүндетов жұма сайын жамағатқа арналған арнайы жұма шай дастарханын ұйымдастыруды қолға алды.

Дастархан басында ұстаз, теолог Батырбек Убаев сөз сөйлеп, жамағатқа қазіргі таңдағы дін мәселелерінің түйткілді тұстары туралы әңгіме өрбітті.

 Жамағат көкейде жүрген түйткілді сұрақтарына қажетті жауаптарын толықтай алып, қанағаттанды.

«Ұстазы жақсының ұстамы жақсы» демешкі, сауатты шәкірттер қатары Аллаға шүкір, күн санап көбейіп келеді.

 Жаратқан Иеміз баршамызға иман байлығы мен бейбіт күнін ұзағынан қылғай! Әмин!

ҚМДБ-ы Атырау өкілдігінің

баспасөз қызметі,

«Қ.Мұңайтпасов» мешіті

Атырау қаласына қарасты Қайыршақты ауылының әкімі жергілікті ел тұрғындарымен кездесу өткізді. Бесікті ауылында өткен жиынға «Қажымұқан Мұңайтпасов» атындағы ауыл мешітінің бас имамы Нартай Сүндетов барып,  қатысып қайтты. Ол жиын барысында жастарды  жат ағымнан сақтау, ұлттық қауіпсіздікті сақтау төңірегінде әңгіме өрбітті.

Мешітте атқарылып жатқан жұмыстармен таныстырып, ақсақалдар мен үлкен кісілердің мешітпен тығыз байланыста жұмыс жасауы туралы өтініш білдірді. Жастар тәрбиесін тілге тиек еткен ол бала болашағына сақтықпен қарауға шақырды. «Ел тыныштығы мен татулығына жететін байлық жоқ, ендеше қолда бар алтынды қадірлеу басты борышымыз екенін ұмытпайық», – деді ол сөз соңында.

ҚМДБ-ның Атырау өкілдігінің

баспасөз қызметі,

«Қ.Мұңайтпасов» мешіті

Алла Тағала алаш жұртына азаттықтықтың ақ таңын сыйлап, тәуелсіз қазақ елі әлем елдерімен терезесі, елдік мұраттары биік, береке-бірлігі бекем күйде өмір кешуде. Сол үшін де ұлы Рахманға зор мадақтар мен шүкіршіліктер болғай. Міне, сол игіліктердің бірі – мешіттерімізде  асыл дінімізді насихаттап, қаймана қазақ Алла үйінде емін-еркін құлшылық ету мүмкіндігіне ие.

Қаламыздағы көне мешіттің бірі «Құспан молда» мешіті күрделі жөндеуден өтуіне байланысты келер жылы заманауи үлгідегі жаңа зәулім мешіт ел игілігіне берілмек. Сол себепті қазіргі таңда мешіт жұмысы уақытша тоқтатылып, мешіт қызметкерлері мен жамағат өзге мешіттерге орналастырылды. Осы уақытқа дейін аталған мешітте наиб имам қызметін атқарған Нариман Мәжитұлы «Иманғали» орталық мешітінің бас имамы Батыржан Берденұлының бұйрығымен Алғабас ауылдық «Мәулімберген» мешітіне наиб имам қызметіне тағайындалды.

«Мәулімберген» мешітінің бас имамы Мақсот Бағытжанов жұма күні жаңа қызметкерді жамағатқа таныстырып, дін жолындағы еңбегіне сәттілік тіледі.

ҚМДБ-ның Атырау өкілдігінің

баспасөз қызметі, «Мәулімберген» мешіті

«Иманғали» орталық мешітінде «Әжелер мектебі» құрылды. Мектептің тұсау кесер салтанаты «Қазақ отбасындағы әжелердің орны» атты тақырыпқа арналды. Қазақтың байырғы салт-дәстүрін қайта жаңғырту мақсатында өткен дөңгелек үстелді ҚМДБ-ның Әйел-қыздар секторы Атырау өкілдігі бойынша жетекшісі Айжарқын Түзелова жүргізді.

Дөңгелек үстелге Қазақстан қажылар қауымдастығы Атырау облысы бойынша төрайымы Жұмагүл қажы Нәсиқызы, облыстық адвокаттар ұйымы төрайымы Айсұлу қажы Қайырқызы, химия пәнінің мұғалімі Елена қажы Ізімқызы қатысып, қазақ отбасы тарихындағы әжелер мен аналардың орнына тоқталып, қандай қилы заманда да ар-намысы биік болған қазақ әйелдерінің кісілік болмысы туралы әңгіме өрбітті. Анасы тұрғанда қыздары сөйлемеген қазақ отбасындағы ерекше сыйластық пен ізеттіліктің асқақ үлгісін мысалға келтіре отырып, оның пайғамбар (с.ғ.с.) сүннетінен бастау алатынын айтты. 

25 әйел жамағатынан тұратын «Әжелер мектебінің» құрамына кебінші аналар мен мешіт кезекшілері де қосылды. Ал, төрайымы Ж.Нәсиқызы болып тағайындалды.   

Айта кетеу керек, «Әжелер мектебінің» тұсаукесер салтанатына арнайы кимешек тігіп келген аналарымыздың бастамасы көпшілік тарапынан қолдау тапты. Кимешектің өте ыңғайлы киім үлгісі екенін сөз еткен олар оны алдағы уақытта да киім кию үрдісіне айналдыру туралы өзара келісімге келді.

Ата-бабамыздан мирас болып қалған ұлттық киім үлгісін жандардыру сияқты ізгі іске ұмтылған аналарымыздың ісіне сәттілік тілейміз! Алла тағала қадамдарын сауаптан жазсын!

Гүлбану Нұрымқызы,

«Иманғали» орталық мешітінің

баспасөз қызметі