Атырау облысы, «Иманғали» орталық мешіті

Мәзір

Құрбан айт: мақаттықтар мерекені ерекше жағдайда атап өтуде

  islam-atyrau.kz/12 тамыз, 2019 жыл.  «Мақат аудандық» орталық мешіті Құрбан айт мерекесін ерекше жағдайда атап өтуде.

Қасиетті мерекенің алғашқы күні «Мақат аудандық» орталық мешітіне ағылып келушілердің санында шек болмады.

       Айт намазының алдында Мақат ауданының бас имамы Біләл Сағындықов жиналған жамағатты Құрбан айт мерекесімен құттықтап, қасиетті Құрбан айт мерекесінің шығу тарихы мен құрбан шалудың маңызы жайында уағыз айтты. Бұдан соң Мақат ауданы әкімініңорынбасары Нұрлан Ерғалиев барша мұсылмандарды ұлы мерекемен құттықтады.

 Құрбан малдары шалынып, ет негізінен көп балалы және жағдайы төмен отбасыларға таратылды. Сонымен қатар, қой көтеру, кір тасын көтеру, қол күрес сынды спорт түрлері бойынша ойындар ұйымдастырылды. Додада жеңіп шыққан үздіктер қаржылай марапатталды.

Мереке құрметіне бүлдіршіндерге балмұздақтар тегін таратылды.

 

   «Мақат аудандық» орталық мешітінінің баспасөз-қызметі.

Толығырақ ...

Атырау: Құрбан айттың алғашқы күнінде 800-ге жуық отбасыға қамқорлық көрсетілді

  islam-atyrau.kz/12 тамыз, 2019 жыл.  Қасиетті Құрбан айттың алғашқы күнінде Атырау мешіттерінде 766 отбасыға құрбан малының еті таратылды.

Құрбандыққа шалынған мал еті негізінен әлеуметтік жағдайы төмен, қамқорлыққа мұқтаж отбасыларға үлестірілді. Мейірім мен бауырмалдылыққа үндейтін мереке күні Атыраудың бас мешітінде 300 отбасына, Сұлтан Бейбарыс мешітінде 200 отбасына құрбан малдың еті таратылды.

Атырау қалалық Құспан молла мешітінде 133 отбасыға, Әт Тақуа мешітінде 43 отбасыға, Мәулімберген, Атырау және Қажымұқан Мұңайтпасов атындағы мешіттерде барлығы 90 отбасына ет таратылды.

Ұлық мереке құрметіне қайырымдылық шаралары бүгін және ертең де жалғасады.

         Еске сала кетелік, 11 тамыздан бастап күллі мұсылман әлемі қасиетті Құрбан айт мерекесін қарсы алуда.

 

 

Орталық "Иманғали" мешітінің баспасөз-қызметі. 

Толығырақ ...

Миссия ұжымы қажыларды Құрбан айтпен құттықтады

  islam-atyrau.kz/12 тамыз, 2019 жыл.  Бүгін Меккеде арнайы іссапармен жүрген Қазақстан қажылық миссия өкілдері елден келген қажыларды Құрбан айтпен құттықтады.

Таң намазынан соң Мина жазығында орналасқан отандастарымыздың жағдайы да бақылауға алынды. Шатырлардағы астың берілуі, ауыз сумен қамтамасыз етілуі және жергілікті интернет қызметіне қосылуына дейін жіті тексерілді. Алдымен сөз алған Миссия төрағасының орынбасары, ҚМДБ Аппарат басшысы Ғылымбек Жәдігерұлы ҚМДБ төрағасы, Бас мүфти Серікбай қажы Ораздың ыстық сәлемін жеткізді. Осылайша барша мұсылман үшін ұлық мереке саналатын Құрбан айтты тойлау басталып кетті.

Шара барысында білікті ұстаздар жиылған жамағатқа уағыз айтып, рухани азық сыйлады. Бірнеше шатырда орналасқан отандастарымыздың халін білу үшін құрылған жұмыс тобы тексеруді жалғастыра бермек.

Толығырақ ...