Атырау өңірі жамағаты биылғы жаңа жыл парағын ардақты пайғамбар (с.ғ.с.) дүниеге келген ай – қасиетті Мәуліт мерекесін атап өтумен бастады десек,  артық айтпағанымыз. Айтулы мерекені тойлауда Құлсары қаласы көш бастаса, қаңтардың 11-күніИндер аудандық «Әйіп қажы» және Махамбет аудандық «Исатай-Махамбет» мешіттерінде өз жалғасын тапты.

         Алланың кәламы болған Құранмен ашылған Мәуліт кештеріне ҚМДБ-ның мұнайлы өңірдегі өкілі, «Иманғали» орталық мешітінің бас имамы, қажы Батыржан Берденұлы арнайы барып қатысып, екі аудан жамағатын да Мәуліт мейрамымен құттықтады. Бір-біріне айна іспетті үмметті бірлікке шақырып, жүректерді нұрландыратын осындай рухани-танымдық кештердің өте сапалы өтуіне ұйытқы болған мешіт имамдарына қолдау білдіріп, ризашылық сезімін білдірді.

«Біз – атамыз басқа болса да, дініміз, пайғамбарымыз (с.ғ.с.) бір, Алла тағаланың иман келтірер деп ақыл-ой, сана берген құлы болғанымыз үшін сансыз шүкір айтуымыз керек. Өйткені, пайғамбарымыздың (с.ғ.с.) сүннеті – ақиқат кітабы Құран-кәрімнен бастау алып, адамзат баласын бауырмалдыққа, кішіпейілділік пен татулыққа, әділдікке тәрбиелейтін сара жол. Сондықтан да Мәуліт кешін тек қана пайғамбар (с.ғ.с.) туған айға құрмет білдіру кеші ғана емес, ата дінімізге көрсетілген құрмет деп түсінуіміз керек», – деді бас имам.

Шара барысында пайғамбарымызға (с.ғ.с.) деген сағыныш сезіміне толы иләһи әндер айтылып, күмбірлеген домбырамен күй шертілді. Аталар өсиетіндей термелер шырқалып, жүрекке нұр, көзге жас үйірген тағылымдық мәні зор көріністер қойылды.  

Мәуліт кешінің марапаттау рәсімінде қайырымдылық жұмыстарына белсене араласып, қашан да аудандық мешітке көмек қолдарын созып жүрген бір топ кәсіпкерлер мен қоғам белсенділері «Алғыс хатпен» марапатталды.

Кеш соңында пайғамбарды (с.ғ.с.) еске алып, оның (с.ғ.с.) мүбәрак өмір жолын ұлықтауға жиылған жамағатқа діни кітаптар, парақшалар таратылып, мәре-сәре болған ағайын Мәуліт дастарханынан дәм ауыз тиді.

«Иманғали» орталық

мешітінің баспасөз қызметі

Екі дүние сардары, ардақты Мұхаммед пайғамбарымыз (с.ғ.с.) дүниеге келген қасиетті ай Мәуліт мейрамын Махамбет ауданы да өз деңгейінде атап өтті. 11-қаңтар күні аудандық «Өнерпаз» мәдениет үйінде көпшілік назарына ұсынылған рухани кеш пайғамбарымыздың (с.ғ.с.) сан ғасырлар бойы ұлттық тұтастығымыздың ұйытқы-негізіне айналған сүннетін ұлықтап, оның адамзат тарихындағы орнының мәңгілік биіктігін тағы да бір паш етті.

«Исатай-Махамбет» мешітінің бас имамы Мейрамбек Қожахметовтың бастамасымен өткен осынау Мәуліт кешіне ҚМДБ Атырау облысы бойынша өкілі, «Иманғали» орталық мешітінің бас имамы Батыржан қажы Берденұлы арнайы барып қатысты. Алла Тағаланың сүйікті пайғамбары – Мұхаммедке (с.ғ.с.) нәсіп етілген мұғжиза хикметтері туралы сөз сөйлеп, Ол (с.ғ.с.) туған Мәуліт айының қадір-қасиетіне тоқталды.

«Біз – атамыз басқа болса да, дініміз, пайғамбарымыз – (с.ғ.с.) бір, Алла тағаланың иман келтірер деп ақыл-ой, сана берген құлы болғанымыз үшін сансыз шүкір айтуымыз керек. Өйткені, пайғамбарымыздың (с.ғ.с.) сүннеті – ақиқат кітабы Құран-кәрімнен бастау алып, адамзат баласын бауырмалдыққа, кішіпейілділік пен татулыққа, әділдікке тәрбиелейтін сара жол. Сондықтан да Мәуліт кешін тек қана пайғамбар (с.ғ.с.) туған айға құрмет білдіру кеші ғана емес, ата дінімізге көрсетілген құрмет деп түсінуіміз керек», – деді бас имам өз сөзінде.

Сондай-ақ, облыстық Дін істері басқармасы атынан Ақпараттық-талдау орталығының басшысы Айбек Аташев құттықтау сөз сөйледі. Және арнайы шақыртумен келген қонақ, теолог Мейіржан Рахматулла шараны Құранмен ашты. Шара барысында пайғамбарымызға (с.ғ.с.) деген сағыныш сезіміне толы иләһи әндер айтылып, тағылымдық мәні зор көріністер қойылды.

Кештің марапаттау рәсімінде қайырымдылық жұмыстарына белсене араласып, қашан да аудандық мешітке көмек қолдарын созуға даяр бір топ кәсіпкер азаматтар «Алғыс хатпен» марапатталды.

«Мұсылман баласы үшін ізгілікті насихаттап, екі дүние сардары (с.ғ.с.) туған айды ұлықтаудан асқар қуаныш бар ма? Бір-біріне айна іспетті үмметті бірлікке шақырып, жүректі нұрландыратын рухани-танымдық кештің өтуіне ұйытқы болған «Исатай-Махамбет» мешітінің ұжымына айтатын алғысымыз шексіз», – деп ауыл ақсақалы С.Иманғалиев жиын соңында ақ батасын берді. 

ҚМДБ-ның Атырау өңірі бойынша

баспасөз қызметі, Махамбет аудандық

«Исатай-Махамбет» мешіті

Атырау өңірі жамағаты биылғы жаңа жыл парағын ардақты пайғамбар (с.ғ.с.) дүниеге келген ай – қасиетті Мәуліт мерекесін атап өтумен бастады десек,  артық айтпағанымыз. Айтулы мерекені тойлауда Құлсары қаласы көш бастаса, 11-қаңтар күніИндер аудандық «Әйіп қажы» мешітінде өз жалғасын тапты.

         Құранмен ашылған Мәуліт кешінде ҚМДБ-ы Атырау облысы бойынша өкілі, «Иманғали» орталық мешітінің бас имамы Батыржан қажы Берденұлы Алланың сүйіктісі Мұхаммед пайғамбарымызға (с.ғ.с.) нәсіп етілген мұғжиза хикметтері туралы сөз сөйлеп, Мәуліт айының қадір-қасиетіне тоқталып өтті. Бас имам пайғамбарымыз (с.ғ.с.) туған айды ұлықтау ісіне бел шеше кірісіп, Алланың разылығын үміт еткен мешіт ұжымына ризашылық сезімін білдіре келіп, «Біз – атамыз басқа болса да, діні – бір, пайғамбары – (с.ғ.с.) бір, Алла тағаланың иман келтірер деп ақыл-ой, сана берген құлы болғанымыз үшін сансыз шүкір айтуымыз керек. Өйткені, пайғамбарымыздың (с.ғ.с.) сүннеті – ақиқат кітабы Құран-кәрімнен бастау алып, адамзат баласын бауырмалдыққа, кішіпейілділік пен татулыққа, әділдікке тәрбиелейтін сара жол. Сондықтан да Мәуліт кешін тек қана пайғамбар (с.ғ.с.) туған айға құрмет білдіру кеші ғана емес, ата дінімізге көрсетілген құрмет деп түсінуіміз керек», – деді.

         Сондай-ақ, Ақпараттық-талдау орталығының басшысы Айбек Аташев, теолог Мейіржан Рахматулла, Индер ауданы әкімінің орынбасары Әлифолла Балахметов, Жарсуат, Есбол ауылдық мешіттерінің имамдары Құраш Рспаев пен Марат Жалмұхановтар да мерекеге орай ақ тілек, ізгі ниеттерін жеткізді

Шара барысында тағылымдық мәні үлкен қойылымдар қойылып, иләһи әндер айтылды. Күмбірлеген домбырамен терме де шырқалды.

Шараның марапаттау бөлімінде Жарсуат ауылдық мешітінің имамы Құраш Рспаев пен «Әйіп қажы» мешіті қызметкері Құсайын Есмағанбетовтер «Алғыс хатпен» марапатталды.

Кеш соңында пайғамбарды (с.ғ.с.) еске алып, оның (с.ғ.с.) мүбәрак өмір жолын ұлықтауға жиылған жамағатқа діни кітаптар таратылып, мәре-сәре болған ағайын Мәуліт дастарханынан дәм ауыз тиді.

ҚМДБ-ның Атырау өңірі бойынша

баспасөз қызметі, «Әйіп қажы» мешіті