Алла Тағалаға мың сан шүкір, биылғы жылғы Рамазан айының оразасы да ортадан ауып, бұйырса барша мұсылман баласы күнә-кемшіліктерден арылып, сансыз сауаптарға ие болмақ. Сол себептен де жамағаттар сауап жинаудан жарысып,  түрлі игі амалдармен айналысуда.

Маусым  айының 15-17-күндері Атырау қаласына қарасты Алғабас ауылы жастары мен «Мәулімберген» мешітінің жамағаттары ауызашарлар берді. Ауызашарға мешіт жамағаттары, әсіресе жастар мен жас жеткіншектер көптеп қатынасты.

Жалпы, қайбір қоғамның болсын болашағы  бойларында күш-қуаты тасыған    жастарға байланысты екені бесенеден белгілі жағдай. Биылғы Рамазан айының бір  ерекшелігі  де ауыз бекіткен жастар мен жас  жеткіншектердің  қарасының мол болуы көңіл қуантады. Алла Тағала сол ізімізден ерген іні-қарындастарымыз- адастырмай,хақ жол мен жүріп,құлшылық-ғибадатты Имам Ағзам Әбу Ханифаның мәзһабымен  өтеуді нәсіп еткей! Жаратқан ие баршамыздың  парыз болған ораза- ларымызды қабыл етіп, береке-бірліктерімізді арттырғай! Әумин!

ҚМДБ-ның Атырау облысы

 бойынша өкілдігі,

«Мәулімберген» мешіті

             Жылыой аудандық орталық мешітінде ашылған замануи асханада кәсіпкерлер біріге отырып 300 адамға ауыз ашар берді. Сондай-ақ бұл ауыз ашарға Жылыой ауданының белді азматтары және ақсақалдары мен ақжаулықты аналар және мешіт жамағаттары қатысты.

Жылыой аудандық орталық мешітінің Бас имамы А. Исаев жамағатқа Ауызашар берудің артықшылығы, ораза ұстаудың пайдаларын және де Пайғамбарымыз (с.ғ.с) хадисінде «Кім Рамазан айының оразасын шын иман және ықыласпен ұстаса, оның бұрын істелген күнәлары кешіріледі», - деген.

Және бір хадисінде «Жәннатта Раййан деп аталатын қақпа бар. Ол қақпадан ораза тұтқандардан басқа ешкім кірмейді. Қиямет күні: «Ораза ұстағандар қайда?», – деп жар салынады. Ораза ұстағандар тұрып, сол қақпадан кіреді. Олар кіріп болған соң, қақпа жабылып, одан басқа ешкім кірмейді», - деген. 

Ауызашарға келген ақсақалдарға, ауданның белді азаматтарына және ақжаулықты әжелерге мешіттің бас имамы А.Исаев қызметкерлерге шексіз ризашылықтарын білдіріп, елге деген жылы лебіздерін айтты.

ҚМДБ-ның Атырау өңірі

бойынша баспасөз қызметі,

 Жылыой аудандық мешіті

            Қасиетті Рамазан айында ораза тұтқан жанды сумен немесе бір құрмамен болса да ауыз аштырып, көмек жасаған пенде зор сауапқа кенеледі деген. Рамазанда жазылатын сауап пен берілетін жақсылықтың соншалықты көп екенін және бұл айдың мың айдан да қайырлы екенін жете түсінген жұрт бір-біріне ауызашар берісіп, қонаққа шақырысып, мәре-сәре болысып жатады, сондай ауыз ашардың бірі Жылыой ауданы «Тұрғызба ауыл» мешітінде де болды. Тұрғызба ауылдық мешіттің имамы Асыланбек Есқайыровтың ұйымдастырумен ауызашар берілді.

        Бұл ауыз ашарға мешіт жамағаты, жаңадан намаз бастап келе жатқан жастар да келді, келген ауыл тұрғындары имамға өздерінің ризашылықтарын білдіріп жатты. Мешіттің имамы уағыз-насихат айтып рамазанның ерекшелігін қадыр-қасиетін жеткізіп, ораза ұстаған жанның шын ықылас пен қылған дұғалары қабыл болады деп сөзін түйіндеді.

ҚМДБ-ның Атырау өңірі

бойынша баспасөз қызметі,

 Жылыой аудандық мешіті

Маусым айының 14-күні Жылыой ауданы Құлсары қаласы «Нұр Отан» акт залында Жылыой ауданы әкімінің орынбасары Н. Өмірбаевтың ұйымдастыруымен  «Экстремизм мен терроризмнің алдын алу жолдары» атты тақырыпта дөнгелек үстелде бас қосу өтті.

Іс-шараға Жылой аудандық мешітіне қарасты мешіттің имамдары, Мемлекет қызметкерлері Құқық қорғау қызметкерлері келді.  Осы іс –шарада жат ағымдар жайында бейне ролик көрсетіліп, осы бейне ролик жайында әркім өз ойларын білдірді.

ҚМДБ-ның Атырау өңірі

бойынша баспасөз қызметі,

Жылыой аудандық мешіті

               Жылыой ауданы Жаңа Қаротон елді-мекені «Нұрқас-Сатыбалды»  мешітінде ауызашар берілді.  Рамазан айы – барша мұсылман жұрты ауыз бекітетін ай.

 Осы айда ауызашар берудің сауабы өте мол. Сол себепті, «Нұрқас-Сатыбалды» мешітінің  бас имамы А.Сарсекеевтың  ұйымдастыруымен әйел жамағаттары мешітте ауызашар дастарханын жайды.

Келген жамағаттар ауыз ашар асынан дәм татып, мешіт имамы келген жамағаттарға уағыз насихаттарын айтты.

ҚМДБ-ның Атырау өңірі

бойынша баспасөз қызметі,                              

   Жылыой аудандық мешіті

Маусымның  16-сы күні Индер аудандық Жарсуат ауылдық мешіттің имамы Зинелұлы Құраштың  мұрындық болуымен «Шапағатты Рамазан» атты рухани кеш болып өтті.

Кештің мақсаты – қасиетті Рамазан айының сансыз сауапқа толы шарапаты мен қадір-қасиетін айқындай түсу. Жастардың бойына асыл дініміз Исламның тап-таза мөлдір бұлақтай кәусарлығын ұялату. Кешке Индер аудандық «Әйіп Қажы» мешітінің бас имамы Ералы Жұбанұлы, ауыл қариялары мен тұрғындары, жалпы саны 100-дің үстінде адам қатынасты. Рухани кеште ауыл имамы Құраш Зинелұлы құран оқып, аудан имамы Ералы Жұбанұлы бата жасаумен басталып, Рамазан айының қасиеті жөнінде жүргізілген видео-роликпен жалғасын тапты. Кешті Қайсар  Берік ұлы мен Толқын Әділхан қызы жүргізіп отырды.

Рухани кеш халықтың көңіліне жетіп, көздеріне жас ұялатты. Шара барысында көріністер қойылып, оған Нысанқайыр Жолдас, Асқар Рашұлы,  Самат Ғалымжанұлы, Сұлтан Қияқбай, Айбек Бейбітов,Құраш қызы Фәтима,Нұраш қызы Балауса,Парасат Әйтөк ұлы,Лашын Нүркен қызы, Нағим қызы Айша, Айбар қызы Айша, Азидолла қызы Саяжан, Дархан ұлы Шапағат, Дархан қызы Айгерім, Кеңес ұлы Әнуар, Талас Мұрат  сынды   жас дарынды шәкіртті қатынасып, рухани кештің әсерін кіргізе түсті.

Шараның соңында өз ризалықтарын білдіріп, ауданның құрметті азаматы Аталық Бисен,  Амантай Құлшарипов сынды азаматтар сөз сөйлеп, жүрек тебіреністерімен бөлісті, жастарға ақ тілектерін жаудырды.

Рухани кештің соңы тағы да бір игі іске ұласып, «Нұрбике» тойханасында ауызашар дастарханы болып жалғасын тапты. Дастархан басында да қасиетті айдың  бұл дүние мен ақиреттегі шапағаты жөнінде сөз болып, имамдар мен кеш қонақтарына сөз берілді.

ҚМДБ-ның Атырау өңірі

бойынша баспасөз қызметі,

Жарсуат ауылдық мешіті

Атырау қалалық «Қ.Мұңайтпасов» мешітінде «Жас Өрен» жастар қоғамдық бірлестігі қоры ауызашар  берді. Мешіттің бас имамы Н.Сүндетовтың бастауымен мерекелік дастархан ашылып, жастарға уағыз-насихат айтылды.

«Шапағат»  деструктивті ағымдардан жапа шеккендерге көмек» қоры ҚҚ-ның теологы, белгілі дінтанушы Серікжан Еншібайұлы жамағатты ауызбірлікке шақырып, қазіргі қоғамдағы дерт – мұсылмандардың өзара араздығы тақырыбын кеңінен қозғады.

Құптан намазының алдында «Жас Өрен» жастар қоғамдық бірлестігінің мұрындық болуымен діни-шариғи викториналық сұрақтар ұйымдастырылып, жамағаттар белсене атсалысты.

Қасиетті Рамазан айындағы хайырлы істері сауапқа жазғай.

ҚМДБ-ның Атырау өңірі бойынша

баспасөз қызметі,

 «Қ.Мұңайтпасов» мешіті

            Маусымның 9-күні Жылыой ауданы, Қосшағыл елді-мекені Мұнайшылар клубында «Діни экстремизмнің алдын алу, балаларды діни секталардан сақтандыру» тақырыбында кездесу өтті. Кездесуге Қосшағыл ауылының әкімі А.Ідіросов , мешіт имамы Т.Айдарбекұлы, ата-аналар және мектеп оқушылары мен мектеп ұстаздары қатысты. Мешіт имамы Т.Айдарбекұлы діни экстемизмнің алдын алу, балаларды діни ағымдардан сақтандыру жолында аудан көлеміндегі іс-шараларды, дін ұстанатын отбасы балаларының мәселелері туралы сөз сөйледі.

Және дәстүрлі дініміздің жастарды  тек жақсылыққа жетелейтінін айтып, балаға барынша көңіл бөлудің, хақ тағала жолымен жүруді үйретудің қасиетті Құран кәрімде де келтірілгенін, пайғамбарымыз Мұхаммед (с.ғ.с)  «ата-ананың балаға бере алатынының ең құндысы – жақсы тәрбие» дегенін жеткізді. Сонымен қатар, діннің атын жамылған кереғар ағымдардан сақтануға шақырды.

Кездесу соңында ата-аналар, оқушылар мен ұстаздар, өздерін толғандырып жүрген сұрақтарын келген имамға қойып тұшымды түрде жауаптарын алды. 

ҚМДБ-ның Атырау өңірі бойынша

баспасөз қызметі,

Жылыой аудандық орталық мешіті  

«Қапанқажы» мешітініңбасимамыЖамбылДемеуұлыныңбастамасыменАзандымәнерлепайтуданжасжамағаттарарасындасайысөтті.

С.Бөлтеков, Ш.Кереев, Қ.Сейсенғалиев, Н.Жұмашов сынды мешіттің ұстаздары қазылық еткен сайыстың қорытындысы бойынша Қуаныш Ерген жүлделі 1-орынға ие болса, Бисекенов Бекбол 2-ші, Шайхы Акбар 3-ші орындар биігінен көрінді.

Мешіт имамы сайыс жеңімпаздарын марапаттап, сыйлықтарын тарту етті.

ҚМДБ-ның Атырау облысы

бойынша баспасөз қызметі,

«Қапан қажы» мешіті